Showing posts with label Film News. Show all posts
Showing posts with label Film News. Show all posts
Tuesday, August 9, 2011
സിദ്ദിഖ് ചിത്രത്തില് മോഹന്ലാല് നായകന്
Wednesday, July 13, 2011
'ദൈവതിരുമകള്' 15 ന് പ്രദര്ശനത്തിനെത്തും
ചെന്നൈ: പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന വിക്രം നായകനാവുന്ന പുതിയ ചിത്രം 'ദൈവ തിരുമകള്' ജൂലായ് 15 ന് പ്രദര്ശനത്തിനെത്തും. 'മദ്രാസിപ്പട്ടണ' ത്തിലൂടെ ശ്രദ്ധേയനായ എ.എല്. വിജയ് ആണ് ചിത്രം സംവിധാനം ചെയ്യുന്നത്. ''ദൈവ തിരുമകള് ആര്ട്ട് സിനിമയല്ല. പ്രേക്ഷകരെ വിനോദിപ്പിക്കാനുള്ള എല്ലാ ചേരുവകളുമുള്ള വാണിജ്യ സിനിമ തന്നെയാണ്'' - വിജയ് പറയുന്നു.
മുപ്പതാം വയസ്സിലും അഞ്ചു വയസ്സുകാരന്റെ മാനസികവളര്ച്ച മാത്രമുള്ള കഥാപാത്രത്തെയാണ് 'ദൈവ തിരുമകളി'ല് വിക്രം അവതരിപ്പിക്കുന്നത്. അനുഷ്കയും അമലപോളും ചിത്രത്തില് മികച്ച വേഷത്തില് അഭിനയിക്കുന്നു. ഹാസ്യത്തിന് കൊഴുപ്പേകാന് സന്താനത്തിന്റെ പ്രകടനവുമുണ്ട്.
'ദൈവ തിരുമകളി'ലെ കഥാപാത്രം തന്നെ കൂടുതല് പ്രശസ്തിയിലെത്തിക്കുമെന്ന പ്രതീക്ഷയിലാണ് വിക്രം. ''നിരവധി ചിത്രങ്ങളില് ഞാന് മികച്ച വേഷം അവതരിപ്പിച്ചിട്ടുണ്ട്. എന്നാല് ഈ ചിത്രത്തിലെ പ്രകടനത്തിനാണ് എനിക്ക് ആദ്യമായി സെന്സര് ബോര്ഡ് അംഗങ്ങളില് നിന്നുതന്നെ അഭിനന്ദനം ലഭിക്കുന്നത്.'' 'ദൈവ തിരുമകളി'ലെ കഥാപാത്രം അവതരിപ്പിക്കുന്നതിനു മുന്നോടിയായി താന് കാര്യമായ ഗവേഷണവും പരിശീലനവും കൂടി നടത്തിയിരുന്നുവെന്നും വിക്രം പറയുന്നു.
ബുദ്ധിവളര്ച്ചയില്ലാത്ത കുട്ടികളുടെ സ്വഭാവവും പെരുമാറ്റരീതിയും നേരില്ക്കണ്ടു പഠിക്കാന് ഇത്തരം കുട്ടികള് പഠിക്കുന്ന സ്കൂളുകളില് കുറെ ദിവസങ്ങള് ചെലവഴിച്ചിരുന്നു. കൂടാതെ മാനസികരോഗ വിദഗ്ധ കൂടിയായ തന്റെ ഭാര്യ ഇത്തരം കുട്ടികളുടെ സ്വഭാവ സവിശേഷതകളെക്കുറിച്ച് വിശദമായി പറഞ്ഞു തന്നുവെന്നും വിക്രം വ്യക്തമാക്കി. കഥാപാത്രത്തിനു വേണ്ടി 12 കിലോഗ്രാം ശരീരഭാരം കുറച്ചിട്ടുണ്ട് വിക്രം.
വൈവിധ്യങ്ങളായ കഥാപാത്രങ്ങളെ എങ്ങനെയാണ് ഇത്രയും മികവുറ്റതാക്കുന്നത് എന്ന ചോദ്യത്തിന് വിക്രം അഭിമാനത്തോടെ ഉദാഹരിക്കുന്നത് നടന് മമ്മൂട്ടിയെയാണ്. ''തന്റെ അഭിനയ ജീവിതത്തില് വ്യത്യസ്ത സിനിമകളിലായി മമ്മൂട്ടി 40 ഓളം പോലീസ് കഥാപാത്രങ്ങളെ അവതരിപ്പിച്ചിട്ടുണ്ട്.
എന്നാല് ഈ കഥാപാത്രങ്ങള്ക്കൊന്നും സാമ്യമില്ലാതെ, വേറിട്ട രീതിയില് അവതരിപ്പിച്ചു ഫലിപ്പിക്കാന് മമ്മൂട്ടിക്കു കഴിഞ്ഞിട്ടുണ്ട്'' - വിക്രം പറയുന്നു. ചിത്രത്തില് മൂന്നു ഗാനങ്ങള് ആലപിക്കുന്നതും വിക്രം തന്നെയാണ്. ഇതില് ഒരു ഗാനം വിക്രം തന്നെ ഒറ്റ ദിവസം കൊണ്ട് കംപോസ് ചെയ്തതാണ്. ജി.വി. പ്രകാശാണ് സംഗീത സംവിധായകന്. ആദ്യം ചിത്രത്തിന് ദൈവ തിരുമകന് എന്നാണ് പേരിട്ടിരുന്നത്. എന്നാല് പിന്നീട് സംവിധായകന് പേര് മാറ്റുകയായിരുന്നു.
മുപ്പതാം വയസ്സിലും അഞ്ചു വയസ്സുകാരന്റെ മാനസികവളര്ച്ച മാത്രമുള്ള കഥാപാത്രത്തെയാണ് 'ദൈവ തിരുമകളി'ല് വിക്രം അവതരിപ്പിക്കുന്നത്. അനുഷ്കയും അമലപോളും ചിത്രത്തില് മികച്ച വേഷത്തില് അഭിനയിക്കുന്നു. ഹാസ്യത്തിന് കൊഴുപ്പേകാന് സന്താനത്തിന്റെ പ്രകടനവുമുണ്ട്.
'ദൈവ തിരുമകളി'ലെ കഥാപാത്രം തന്നെ കൂടുതല് പ്രശസ്തിയിലെത്തിക്കുമെന്ന പ്രതീക്ഷയിലാണ് വിക്രം. ''നിരവധി ചിത്രങ്ങളില് ഞാന് മികച്ച വേഷം അവതരിപ്പിച്ചിട്ടുണ്ട്. എന്നാല് ഈ ചിത്രത്തിലെ പ്രകടനത്തിനാണ് എനിക്ക് ആദ്യമായി സെന്സര് ബോര്ഡ് അംഗങ്ങളില് നിന്നുതന്നെ അഭിനന്ദനം ലഭിക്കുന്നത്.'' 'ദൈവ തിരുമകളി'ലെ കഥാപാത്രം അവതരിപ്പിക്കുന്നതിനു മുന്നോടിയായി താന് കാര്യമായ ഗവേഷണവും പരിശീലനവും കൂടി നടത്തിയിരുന്നുവെന്നും വിക്രം പറയുന്നു.
ബുദ്ധിവളര്ച്ചയില്ലാത്ത കുട്ടികളുടെ സ്വഭാവവും പെരുമാറ്റരീതിയും നേരില്ക്കണ്ടു പഠിക്കാന് ഇത്തരം കുട്ടികള് പഠിക്കുന്ന സ്കൂളുകളില് കുറെ ദിവസങ്ങള് ചെലവഴിച്ചിരുന്നു. കൂടാതെ മാനസികരോഗ വിദഗ്ധ കൂടിയായ തന്റെ ഭാര്യ ഇത്തരം കുട്ടികളുടെ സ്വഭാവ സവിശേഷതകളെക്കുറിച്ച് വിശദമായി പറഞ്ഞു തന്നുവെന്നും വിക്രം വ്യക്തമാക്കി. കഥാപാത്രത്തിനു വേണ്ടി 12 കിലോഗ്രാം ശരീരഭാരം കുറച്ചിട്ടുണ്ട് വിക്രം. വൈവിധ്യങ്ങളായ കഥാപാത്രങ്ങളെ എങ്ങനെയാണ് ഇത്രയും മികവുറ്റതാക്കുന്നത് എന്ന ചോദ്യത്തിന് വിക്രം അഭിമാനത്തോടെ ഉദാഹരിക്കുന്നത് നടന് മമ്മൂട്ടിയെയാണ്. ''തന്റെ അഭിനയ ജീവിതത്തില് വ്യത്യസ്ത സിനിമകളിലായി മമ്മൂട്ടി 40 ഓളം പോലീസ് കഥാപാത്രങ്ങളെ അവതരിപ്പിച്ചിട്ടുണ്ട്.
എന്നാല് ഈ കഥാപാത്രങ്ങള്ക്കൊന്നും സാമ്യമില്ലാതെ, വേറിട്ട രീതിയില് അവതരിപ്പിച്ചു ഫലിപ്പിക്കാന് മമ്മൂട്ടിക്കു കഴിഞ്ഞിട്ടുണ്ട്'' - വിക്രം പറയുന്നു. ചിത്രത്തില് മൂന്നു ഗാനങ്ങള് ആലപിക്കുന്നതും വിക്രം തന്നെയാണ്. ഇതില് ഒരു ഗാനം വിക്രം തന്നെ ഒറ്റ ദിവസം കൊണ്ട് കംപോസ് ചെയ്തതാണ്. ജി.വി. പ്രകാശാണ് സംഗീത സംവിധായകന്. ആദ്യം ചിത്രത്തിന് ദൈവ തിരുമകന് എന്നാണ് പേരിട്ടിരുന്നത്. എന്നാല് പിന്നീട് സംവിധായകന് പേര് മാറ്റുകയായിരുന്നു.
Tuesday, June 14, 2011
‘ഇന്ത്യന് റുപ്പീ’ ജൂലൈയില്, അമലാ പോള് നായിക
രഞ്ജിത് സംവിധാനം ചെയ്യുന്ന ‘ഇന്ത്യന് റുപ്പീ’യില് അമലാ പോള് നായിക. തമിഴകത്തെ ഈ ‘മൈന’പ്പെണ്ണ് മലയാളത്തില് നായികയാകുന്ന ആദ്യ ചിത്രമാണ് ഇന്ത്യന് റുപ്പീ. പൃഥ്വിരാജാണ് നായകന്. സുരേഷ്ഗോപി ഒരു പ്രധാന കഥാപാത്രത്തെ അവതരിപ്പിക്കും. ജൂലൈ 15ന് ചിത്രീകരണം ആരംഭിക്കുന്ന ചിത്രം, പൃഥ്വിരാജിന്റെ 'ഓഗസ്റ്റ് സിനിമ’യും രഞ്ജിത്തിന്റെ കാപിറ്റോള് തീയേറ്ററും ചേര്ന്ന് നിര്മ്മിക്കും.
മെയിന്സ്ട്രീം സിനിമയിലേക്ക് മഹാനടന് തിലകന്റെ തിരിച്ചുവരവും ഈ ചിത്രത്തിലൂടെ ഉണ്ടാകും. നെടുമുടി വേണു, ഇന്നസെന്റ് തുടങ്ങിയവരും അഭിനയിക്കുന്നു. ഷഹബാസ് അമനാണ് സംഗീതം. കോഴിക്കോടാണ് പ്രധാന ലൊക്കേഷന്.
വളരെ വ്യത്യസ്തമായ ഒരു കഥയാണ് ഇന്ത്യന് റുപ്പീയുടേത്. ഇന്നത്തെ യുവത്വത്തിന്റെ കഥയാണിത്. ‘ജെ പി’ എന്ന ജയപ്രകാശിനെയാണ് പൃഥ്വിരാജ് ഈ ചിത്രത്തില് അവതരിപ്പിക്കുന്നത്. പുതിയ തലമുറയുടെ പ്രതീകം. പുതിയ തലമുറയുടെ കഥയെന്നു പറയുമ്പോള് ആട്ടവും പാട്ടും ബൈക്കും റൊമാന്സും കോളജുമൊക്കെ ചേര്ത്തൊരു മസാല ഒനുമല്ല ഉദ്ദേശിക്കുന്നത്. അതിനപ്പുറത്ത്, പണത്തിനോട് അത്യാര്ത്തി പൂണ്ട് നടക്കുന്ന യുവത്വത്തിന്റെ കഥയാണിത്.
ജെ പിയുടെ മുത്തച്ഛന് ഗാന്ധിയനായ ഒരു കള്ളുചെത്തുകാരനായിരുന്നു. ഒരു തുള്ളി കള്ള് പോലും കഴിക്കാത്ത കള്ളുചെത്തുകാരന്. മഹാത്മാഗാന്ധിയോടുള്ള ആദരവ് കാരണം അയാള് മകന് ഗാന്ധി എന്ന് പേരിട്ടു. മുഴുക്കുടിയനായിരുന്നു ഗാന്ധി. ഗാന്ധിയാകട്ടെ മകന് ജയപ്രകാശ് എന്ന് പേരിട്ടു. ഒരുദിവസം കൊണ്ട് എങ്ങനെ പണക്കാരനാകാം എന്നായിരുന്നു അവന്റെ ചിന്ത. എല്ലാ പണക്കാരും അവന്റെ ദൈവങ്ങളായി. പൃഥ്വിരാജിന്റെ ഏറ്റവും മികച്ച കഥാപാത്രങ്ങളില് ഒന്നായിരിക്കും ഇന്ത്യന് റുപ്പീയിലെ ജെ പി.
മോശം സിനിമയ്ക്കുള്ള പുരസ്കാരങ്ങള് പ്രഖ്യാപിച്ചു
കോഴിക്കോട്: പ്രഥമ ഡൂള്ന്യൂസ് മലയാളം ഫിലിംബോര് അവാര്ഡുകള് പ്രഖ്യാപിച്ചു. 2010ല് മോശം പ്രകടനം കാഴ്ചവെച്ച അഭിനേതാവിനുള്ള 'പുരസ്കാരം' മോഹന്ലാലിന് ലഭിച്ചു. മോശം നടിക്കുള്ള പുരസ്കാരം അര്ച്ചനാ കവിയും റിമ കല്ലിങ്കലും പങ്കിട്ടു. വിജി തമ്പിയാണ് മോശം സംവിധായകന്. ഏറ്റവും മോശം സിനിമയായി വിജി തമ്പി സംവിധാനം ചെയ്ത ഏപ്രില് ഫൂള് തിരഞ്ഞെടുക്കപ്പെട്ടു.
ഏറ്റവും ജനരോഷം ഉയര്ത്തിയ സിനിമ മേജര്രവി സംവിധാനം ചെയ്ത കാണ്ഡഹാറാണ്. ജഗദീഷ് മോശം തിരക്കഥാകൃത്തിനുള്ള ഫിലിംബോര് അവാര്ഡ് നേടി. ചിത്രം ഏപ്രില്ഫൂള്. മോശം ഹാസ്യനടനായി സുരാജ് വെഞ്ഞാറമൂട് തിരഞ്ഞെടുക്കപ്പെട്ടു.
പ്രമുഖ മാധ്യമപ്രവര്ത്തകനും എഴുത്തുകാരനുമായ ബാബു ഭരദ്വാജ് അധ്യക്ഷനായ ജൂറിയാണ് ഫിലിംബോര് പുരസ്കാരങ്ങള്ക്ക് അര്ഹമായ സിനിമകള് തിരഞ്ഞെടുത്തത്.
ജൂണ് 11ന് കോഴിക്കോട് പ്രസ്ക്ലബ്ബില് നടത്തിയ വാര്ത്താസമ്മേളനത്തില് അവാര്ഡുകള് പ്രഖ്യാപിച്ചു. ജൂറി അംഗങ്ങളായ വി.എച്ച് നിഷാദ്, മജ്നി,നദീം നൗഷാദ്,മുഹമ്മദ് സുഹൈല്,ഡോ.കവിതാ രാമന് എന്നിവര് പങ്കെടുത്തു
12 വര്ഷത്തിന് ശേഷം കമലും ജയറാമും ഒന്നിക്കുന്നു
കമല് ജയറാമിനെ നായകനാക്കി ഒരുക്കുന്ന പുതിയ ചിത്രം ട്രൂലൈന് സിനിമയുടെ ബാനറില് തങ്കച്ചന് ഇമ്മാനുവല് നിര്മ്മിക്കുന്നു. 12 വര്ഷത്തെ നീണ്ട ഇടവേളയ്ക്ക് ശേഷമാണ് ജയറാം-കമല് കൂട്ടുകെട്ടില് ഒരു ചിത്രം വരുന്നത്. 1998 ല് പുറത്തിറങ്ങിയ കൈക്കുടന്ന നിലാവിലാണ് ഈ കൂട്ടികെട്ട് ഏറ്റവും ഒടുവില് ഒന്നിച്ചത്.
കഥ തുടരുന്നു എന്ന ചിത്രത്തിനുശേഷം തങ്കച്ചന് ഇമ്മാനുവല് നിര്മ്മിക്കുന്ന ചിത്രമാണിത്. കെ. ഗിരീഷ് കുമാര് തിരക്കഥയെഴുതുന്ന ചിത്രത്തില് ഇന്നസെന്റ,് ബിജു മേനോന്, സലിംകുമാര്, സംവൃത സുനില് തുടങ്ങിയവരാണ് മറ്റു താരങ്ങള്.ഛായാഗ്രഹണം - അഴകപ്പന്.
ജയരാജിന്റെ 'നായിക'യില് ജയറാം നായകന്
'ദി ട്രെയിന്' റിലീസ് ചെയ്തതിന് പിന്നാലെ ജയരാജ് പുതിയ ചിത്രത്തിന്റെ ജോലികളിലേക്ക് കടന്നു. ദീദി ദാമോദരന്റെ തിരക്കഥയില് ഒരുക്കുന്ന 'നായിക'യുടെ ചിത്രീകരണം ആലപ്പുഴയില് പുരോഗമിക്കുന്നു. ജയറാം, ശാരദ, പത്മപ്രിയ, മംമ്ത തുടങ്ങിയവരാണ് പ്രധാന താരങ്ങള്. മകയിരം ക്രിയേഷന്സിന്റെ ബാനറില് തോമസ് ബഞ്ചമിനാണ് ചിത്രം നിര്മ്മിക്കുന്നത്.
'സീനിയേഴ്സ്' പൂര്ത്തിയാക്കി ഒരു മാസത്തെ കുടുംബസമേതമുള്ള വിദേശപര്യടനവും പൂര്ത്തിയാക്കിയാണ് ജയറാം ഈ പുതിയ ചിത്രത്തിലഭിനയിക്കുവാന് എത്തിയത്.
കസ്തൂരി മണക്കുന്നല്ലോ കാറ്റേ...
നീ വരുമ്പോള്...
കണ്മണിയെ കണ്ടുവോ നീ...
കവിളിണ തഴുകിയോ നീ...
മലയാളികള് നെഞ്ചോടുചേര്ത്തുപിടിച്ച ഹിറ്റ് മേക്കര് ശശികുമാറിന്റെ 'പിക്നിക്' എന്ന ചിത്രത്തിലെ പ്രശസ്തമായ ഗാനം. നായികയില് ഉള്പ്പെടുത്തിയിരിക്കുന്നു. ഈ ഗാനരംഗത്തിന്റെ ചിത്രീകരണത്തോടെയാണ് മൂന്നാറില് ചിത്രത്തിന്റെ ചിത്രീകരണമാരംഭിച്ചത്.
നായികയെ ഒരുക്കുന്നവര്
ബാനര്-മകീര്യം ക്രിയേഷന്സ്, നിര്മാണം-തോമസ് ബെഞ്ചമിന്, സംവിധാനം-ജയരാജ്, കഥ, തിരക്കഥ, സംഭാഷണം-ദീദി ദാമോദരന്, ഛായാഗ്രഹണം-സീനു മുരിക്കുമ്പുഴ, കലാസംവിധാനം-സുജിത് രാഘവ്, നൃത്തസംവിധാനം-സെല്വി, സംഗീതം-എം.കെ. അര്ജുനന്, ഗാനരചന- ശ്രീകുമാരന്തമ്പി, വസ്ത്രാലങ്കാരം-ഷീബാ രോഹന്, ചമയം- ബിജുഭാസ്കര്, പ്രൊഡക്ഷന് കണ്ട്രോളര്-മഹേഷ് കവടിയാര്.
Thursday, June 9, 2011
സീനിയേഴ്സ് പണം വാരുന്നു, പൃഥ്വിക്ക് ഇരട്ട വിജയം
‘പോക്കിരിരാജ’യുടെ മെഗാവിജയം ആവര്ത്തിക്കുകയാണ് സംവിധായകന് വൈശാഖ്. ‘സീനിയേഴ്സ്’ സമീപകാലത്തെ ഏറ്റവും വലിയ ഹിറ്റായി മാറിക്കഴിഞ്ഞു. ഹിറ്റ് ചാര്ട്ടില് ഒന്നാം സ്ഥാനത്താണ് സീനിയേഴ്സ്. ബിജുമേനോന്, മനോജ് കെ ജയന് എന്നിവരുടെ കോമഡികളും ആര്ക്കും പ്രവചിക്കാനാവാത്ത ക്ലൈമാക്സ് ട്വിസ്റ്റുമാണ് ചിത്രത്തെ വന് വിജയമാക്കിയത്.
വെറും 20 ദിവസങ്ങള്ക്കുള്ളില് നാലരക്കോടി രൂപയാണ് വിതരണക്കാര്ക്ക് ഷെയര് ലഭിച്ചിരിക്കുന്നത്. സീനിയേഴ്സിന്റെ നിര്മ്മാണച്ചെലവ് 3.8 കോടി രൂപ മാത്രമായിരുന്നു. ലോംഗ് റണ്ണില് നിര്മ്മാതാവിന് കോടികളുടെ ലാഭമായിരിക്കും സീനിയേഴ്സ് നേടിക്കൊടുക്കുകയെന്നാണ് ബോക്സോഫീസ് റിപ്പോര്ട്ട്.
മോഹന്ലാലിന്റെ ചൈനാ ടൌണ് ഹിറ്റ് ചാര്ട്ടില് രണ്ടാം സ്ഥാനത്താണ്. ദിലീപിന്റെ സ്ലാപ്സ്റ്റിക് കോമഡിയും മോഹന്ലാല്, ജയറാം എന്നിവരുടെ തകര്പ്പന് പ്രകടനവുമാണ് ചൈനാ ടൌണിന്റെ ഹൈലൈറ്റ്. 50 ദിവസങ്ങള്ക്കുള്ളില് ഏഴുകോടിയോളം രൂപ കളക്ടുചെയ്യുമെന്നാണ് പ്രതീക്ഷിക്കുന്നത്.
ബിഗ്സ്റ്റാര് പൃഥ്വിരാജ് ഇരട്ടവിജയം സ്വന്തമാക്കിയതാണ് ഏറ്റവും പ്രത്യേകതയുള്ള വാര്ത്ത. പൃഥ്വിയുടെ മാണിക്യക്കല്ല് ഹിറ്റ് ചാര്ട്ടില് മൂന്നാം സ്ഥാനത്തും ഉറുമി നാലാം സ്ഥാനത്തുമാണ്. ഹൃദയഹാരിയായ ഒരു കുടുംബചിത്രം എന്ന ലേബലാണ് മാണിക്യക്കല്ലിനെ ഹിറ്റാക്കുന്നത്. ദൃശ്യവിസ്മയം എന്ന നിലയില് ഉറുമിയെ പ്രേക്ഷകര് ഏറ്റെടുത്തുകഴിഞ്ഞു.
ജയസൂര്യ നായകനായ ‘ജനപ്രിയന്’ ഹിറ്റ് ചാര്ട്ടില് അഞ്ചാം സ്ഥാനത്താണ്. പ്രേക്ഷകര്ക്ക് മനംനിറഞ്ഞ് ചിരിക്കാനുള്ള അവസരമാണ് ഈ ചിത്രം ഒരുക്കുന്നത്. ജയസൂര്യയുടെ കരിയറില് ഈ ചിത്രത്തിന്റെ വിജയം വലിയ നേട്ടമാണ് ഉണ്ടാക്കിയിരിക്കുന്നത്. നവാഗത സംവിധായകന് ബോബന് സാമുവല് പ്രതീക്ഷയുണര്ത്തുന്നു.
‘കോ’ ഹിന്ദിയില്, നായിക കാര്ത്തിക തന്നെ
തമിഴകത്ത് മെഗാഹിറ്റായി മാറിയ ‘കോ’ ഹിന്ദിയിലേക്ക് റീമേക്ക് ചെയ്യുന്നു. അക്ഷയ് കുമാര് താല്പ്പര്യമെടുത്താണ് ചിത്രം റീമേക്ക് ചെയ്യുന്നത്. ആന്റണി ഡിസില്വ സംവിധാനം ചെയ്യുന്ന ചിത്രത്തില് നായകവേഷത്തില് അക്ഷയ് എത്തും. ‘കോ’യിലെ നായികയായ കാര്ത്തിക തന്നെ ഹിന്ദി പതിപ്പിലും അഭിനയിക്കും. ഒരു കോടി രൂപയാണ് ചിത്രത്തിന്റെ റീമേക്ക് അവകാശത്തുകയായി നല്കിയിരിക്കുന്നത്. ഇത്രയും വലിയൊരു തുക നല്കി ഒരു തമിഴ് ചിത്രം റീമേക്ക് ചെയ്യുന്നത് ഇതാദ്യമാണ്.
റിലീസായി ആദ്യ രണ്ടു ദിനങ്ങളില് തന്നെ അഞ്ചുകോടി രൂപ ഗ്രോസ് നേടിയ സിനിമ മുടക്കുമുതലിന്റെ പലമടങ്ങ് തിരിച്ചുപിടിക്കുമെന്നാണ് സൂചന. മുംബൈയില് വച്ച് ‘കോ’ കണ്ട അക്ഷയ് കുമാര് ഉടന് തന്നെ സംവിധായകന് കെ വി ആനന്ദിനെ വിളിച്ച് അഭിനന്ദനമറിയിച്ചു. റീമേക്ക് റൈറ്റ് തനിക്ക് തരണമെന്നും അക്ഷയ് അഭ്യര്ത്ഥിക്കുകയായിരുന്നു. മൂന്നാറില് തന്റെ അടുത്ത ചിത്രത്തിന്റെ പണിപ്പുരയിലായിരുന്ന ആനന്ദ് ഇതിന് സമ്മതം നല്കി.
ഒരു പ്രസ് ഫോട്ടോഗ്രാഫറുടെ സംഘര്ഷഭരിതമായ ജീവിതം കൊമേഴ്സ്യല് ചേരുവകളെല്ലാം ചേര്ത്ത് അവതരിപ്പിച്ചിരിക്കുന്നതിലെ ക്രാഫ്ടാണ് അക്ഷയ് കുമാറിനെ ആകര്ഷിച്ചത്. കാര്ത്തികയെ തന്നെ നായികയാക്കാമെന്നുള്ളത് അക്ഷയ് കുമാറിന്റെ സജഷനാണെന്നാണ് റിപ്പോര്ട്ടുകള്. ജോഷ്, മകരമഞ്ഞ് തുടങ്ങിയ സിനിമകളിലും അഭിനയിച്ചിട്ടുള്ള കാര്ത്തികയ്ക്ക് കരിയറില് വന് കുതിപ്പാണ് ‘കോ’ നല്കിയത്.
‘കോ’യുടെ ഹിന്ദി പതിപ്പ് സംവിധാനം ചെയ്യുന്ന ആന്റണി ഡിസില്വ അക്ഷയ് കുമാറിന്റെ അടുത്ത സുഹൃത്താണ്. അക്ഷയിനെ നായകനാക്കി ‘ബ്ലൂ’ എന്ന പരാജയചിത്രം സംവിധാനം ചെയ്തത് ആന്റണി ഡിസില്വയാണ്.
‘സ്റ്റോപ്പ് വയലന്സ്’ രണ്ടാം ഭാഗം തുടങ്ങി, പൃഥ്വി ഇല്ല
2002ല് എ കെ സാജന് സംവിധാനം ചെയ്ത ‘സ്റ്റോപ്പ് വയലന്സ്’ മലയാള സിനിമയില് മാറ്റത്തിന്റെ സന്ദേശവുമായി വന്ന ചിത്രമാണ്. പൃഥ്വിരാജ് എന്ന യുവ സൂപ്പര്താരത്തിന്റെ വളര്ച്ചയുടെ തുടക്കമായിരുന്നു ആ സിനിമ. സ്റ്റോപ്പ് വയലന്സിന് രണ്ടാംഭാഗം ഒരുങ്ങുകയാണ്. കൊച്ചിയില് ചിത്രീകരണം ആരംഭിച്ചുകഴിഞ്ഞു. എന്നാല് സ്റ്റോപ്പ് വയലന്സില് ‘സാത്താന്’ എന്ന പ്രധാന കഥാപാത്രത്തെ അവതരിപ്പിച്ച പൃഥ്വിരാജ് രണ്ടാം ഭാഗത്തില് അഭിനയിക്കുന്നില്ല. മറ്റൊരു യുവപ്രതീക്ഷയായ ആസിഫ് അലിയാണ് ചിത്രത്തിലെ നായകന്.
അതേ, സ്റ്റോപ്പ് വയലന്സിന്റെ രണ്ടാം ഭാഗമായ ‘അസുരവിത്ത്’ പെരുമഴയത്തും ചിത്രീകരണം പുരോഗമിക്കുകയാണ്. എ കെ സാജന് തന്നെ തിരക്കഥ രചിക്കുന്ന ചിത്രത്തില് ഡോണ് ബോസ്കോ എന്ന യുവ പുരോഹിതനെയാണ് ആസിഫ് അലി അവതരിപ്പിക്കുന്നത്. സംവൃത സുനിലാണ് നായിക.
സ്റ്റോപ്പ് വയലന്സില് ചന്ദ്രാ ലക്ഷ്മണ് അവതരിപ്പിച്ച ആഞ്ചലീന എന്ന കഥാപാത്രത്തിന്റെ മകനാണ് ഡോണ് ബോസ്കോ. ഒരു മാലാഖയെപ്പോലെ പരിശുദ്ധയായിരുന്ന ആഞ്ചലീനയ്ക്ക് സാത്താനില്(പൃഥ്വി അവതരിപ്പിച്ച കഥാപാത്രം) ഉണ്ടായ മകന്. അയാള് ഒരു പുരോഹിതനാണ്. പക്ഷേ ജീവിതത്തില് നേരിടേണ്ടിവരുന്ന ചില സംഭവങ്ങള് അവനെ മാറ്റിത്തീര്ക്കുകയാണ്.
ലീലാ പ്രൊഡക്ഷന്സ് നിര്മ്മിക്കുന്ന അസുരവിത്തില് ബിജു മേനോന്, നിവിന് പോളി, ജഗതി, വിജയരാഘവന്, കലാഭവന് മണി, വിജയകുമാര്, സീമാ ജി നായര് തുടങ്ങിയവരും അഭിനയിക്കുന്നു.
സ്റ്റോപ്പ് വയലന്സ്, ലങ്ക എന്നീ സിനിമകള് സംവിധാനം ചെയ്തിട്ടുള്ള എ കെ സാജന് ചിന്താമണി കൊലക്കേസ്, നാദിയ കൊല്ലപ്പെട്ട രാത്രി, റെഡ് ചില്ലീസ് തുടങ്ങിയ ചിത്രങ്ങളുടെ രചയിതാവാണ്. ദ്രോണ എന്ന മമ്മൂട്ടിച്ചിത്രത്തിന്റെ തകര്ച്ചയോടെ സിനിമയില് നിന്ന് വിട്ടുനിന്ന എ കെ സാജന് അസുരവിത്തിലൂടെ ഒരു തിരിച്ചുവരവിന് ശ്രമിക്കുകയാണ്.
ബോഡിഗാര്ഡ്: ഇന്ത്യന് വിതരണാവകാശത്തിന് 75 കോടി
ദിലീപില് തുടങ്ങി ഇളയദളപതിയിലൂടെ സാക്ഷാല് സല്മാന് ഖാനിലെത്തി നില്ക്കുകയാണ് ബോഡിഗാര്ഡ്. മലയാളത്തിന്റെ പ്രിയ സംവിധായകന് സിദ്ദിഖ് തന്റെ ആദ്യ ഹിന്ദി ചിത്രമായ ബോഡിഗാര്ഡിന്റെ തിരക്കിലാണ്. ഓഗസ്റ്റ് 31ന് റിലീസ് തീരുമാനിച്ചിരിക്കുന്ന ഈ സിനിമയില് സല്മാന് ഖാനും കരീന കപൂറുമാണ് ജോഡി.
വാണ്ടഡ്, ദബാംഗ്, റെഡി എന്നീ ബ്ലോക്ക്ബസ്റ്ററുകള്ക്ക് ശേഷം എത്തുന്ന സല്മാന് ഖാന് ചിത്രം എന്ന പ്രത്യേകതയാണ് ബോഡിഗാര്ഡിനെ ബോളിവുഡിന്റെ ഹോട്ട് പ്രോപ്പര്ട്ടിയാക്കി മാറ്റുന്നത്. ചിത്രത്തിന്റെ ഇന്ത്യന് വിതരണാവകാശമായി 75 കോടി രൂപ ലഭിച്ചിരിക്കുന്നു എന്നതാണ് പുതിയ വാര്ത്ത. ഇത് ഒരു ഹിന്ദി ചിത്രത്തിന് ലഭിക്കുന്ന റെക്കോര്ഡ് പ്രൈസാണ്.
സാറ്റലൈറ്റ്, മ്യൂസിക്, വീഡിയോ റൈറ്റുകള്ക്കെല്ലാം കൂടി ഇനിയും ഒരു 40 കോടി രൂപയാണ് പ്രതീക്ഷിക്കുന്നത്. മാത്രമല്ല, ഇന്ത്യയിലെ തിയേറ്ററുകളിലെ വിതരണാവകാശം മാത്രമാണ് 75 കോടി രൂപയ്ക്ക് വിറ്റിരിക്കുന്നത്. ലോകമെമ്പാടും റിലീസ് ചെയ്യുന്ന ഈ സിനിമയുടെ ഓവര്സീസ് അവകാശങ്ങളെല്ലാം കൂടി കണക്കിനെടുത്താല് ബോഡിഗാര്ഡ് റിലീസിന് മുമ്പ് മൂന്നിരട്ടി ലാഭം നേടിയ ചിത്രമായി മാറുന്നു.
പ്രിയദര്ശന് ശേഷം ഇത്രയും വിജയകരമായി ഒരു സിനിമ ബോളിവുഡില് ഒരുക്കാന് കഴിഞ്ഞ ആദ്യ മലയാള സംവിധായകനാണ് സിദ്ദിഖ്. 2010ല് മലയാളത്തിലാണ് സിദ്ദിഖ് ബോഡിഗാര്ഡ് ആദ്യമെടുത്തത്. ആ ചിത്രം ഹിറ്റായി. തുടര്ന്ന് തമിഴില് ‘കാവലന്’ എന പേരില് ബോഡിഗാര്ഡ് വീണ്ടും ജനിച്ചു. സിനിമകളെല്ലാം തകര്ന്ന് വലിയ പ്രതിസന്ധിയിലായിരുന്ന ഇളയദളപതി വിജയിന് അപ്രതീക്ഷിതമായി ലഭിച്ച ഒരു സൂപ്പര്ഹിറ്റായിരുന്നു കാവലന്. എന്തായാലും ഹിന്ദി ബോഡിഗാര്ഡ് റിലീസിന് മുമ്പ് ലാഭമായെങ്കില്, റിലീസിന് ശേഷം ഈ ചിത്രം മെഗാഹിറ്റാകുമെന്ന പ്രതീക്ഷയിലാണ് ബോളിവുഡ്.
മമ്മൂട്ടിയുടെ കോബ്ര ഡിസംബറില്
മെഗാസ്റ്റാര് മമ്മൂട്ടിയെ നായകനാക്കി ലാല്ചിത്രമൊരുങ്ങുന്നു. കോബ്ര എന്നുപേരിട്ടിരിക്കുന്ന ഈ ചിത്രത്തില് സംവിധായകനായ ലാലും ഒരു പ്രധാനവേഷം ചെയ്യുന്നുണ്ട്.
നേരത്തെ കോട്ടയം ബ്രദേഴ്സ് എന്ന പേര് തീരുമാനിച്ചിരുന്നെങ്കിലും പിന്നീട് മാറ്റുകയായിരുന്നു. മോഹന്ലാല് പ്രധാനവേഷത്തിലെത്തിയ ക്രിസ്ത്യന് ബ്രദേഴ്സിനോട് സാമ്യമുണ്ടാവുമെന്നു കരുതി പേരുമാറ്റുകയായിരുന്നു.
ചിത്രത്തിലെ മറ്റുതാരങ്ങളെക്കുറിച്ച് തീരുമാനമായിട്ടില്ല. മമ്മൂട്ടിയുടെ പ്ലേഹൗസാണ് ചിത്രം തിയേറ്ററുകളിലെത്തിക്കുന്നത്.
ടു ഹരിഹര് നഗര്, ഇന് ഗോസ്റ്റ് ഹൗസ് ഇന്, ടൂര്ണമെന്റ് എന്നീ ചിത്രങ്ങള് സംവിധാനം ചെയ്തിട്ടുള്ള ലാലിന്റെ ടൂര്ണമെന്റ് വന്പരാജയമായിരുന്നു. ചിത്രീകരണം ആരംഭിച്ച കോബ്ര ഡിസംബറില് തിയേറ്ററുകളിലെത്തുമെന്നാണ് സൂചന.
മമ്മൂട്ടിയ്ക്കൊപ്പം അഭിനയത്തിലായാലും സംവിധാനത്തിലായാലും ഹിറ്റുകള് ആവര്ത്തിച്ച ചരിത്രമാണ് ലാലിനുള്ളത്. സിദ്ദിഖ്-ലാല് കൂട്ടുകെട്ടില് 1996 ല് പുറത്തിറങ്ങിയ ഹിറ്റലര് എക്കാലത്തെയുംമികച്ച ചിത്രങ്ങളിലൊന്നായിരുന്നു.
Thursday, June 2, 2011
മോഹന്ലാലിന്റെ കാസനോവ ഓഗസ്റ്റ് 31ന്
ഇന്നു വരും നാളെ വരും മറ്റന്നാള് വരും എന്ന അവസ്ഥയായിരുന്നു മോഹന്ലാല് നായകനാകുന്ന കാസനോവയ്ക്ക്. പടം ഉപേക്ഷിച്ചില്ലെന്നും ഉടന് റിലീസ് ചെയ്യുമെന്നും അനിശ്ചിതകാലത്തേയ്ക്ക് ചിത്രീകരണം മാറ്റിവച്ചിരിക്കുകയാണെന്നും പലതവണ വാര്ത്തകള് വന്നു. എന്തായാലും ഇപ്പോള് ഇക്കാര്യത്തില് അന്തിമതീരുമാനമായിട്ടുണ്ട്. മോഹന്ലാലിന്റെ ഓണച്ചിത്രമായി കാസനോവ ഓഗസ്റ്റ് 31ന് റിലീസ് ചെയ്യും.
റോഷന് ആന്ഡ്രൂസ് ഒരുക്കുന്ന ഈ വന് ബഡ്ജറ്റ് ചിത്രത്തിന്റെ ക്ലൈമാക്സ് ഷൂട്ടിംഗ് അടുത്തിടെ ദുബായില് പൂര്ത്തിയായിരുന്നു. അവശേഷിച്ച ഭാഗങ്ങള് ബാങ്കോക്കില് പൂര്ത്തിയാവുന്നു. ജൂലൈയിലാണ് കാസനോവ റിലീസ് ചെയ്യാന് ആദ്യം നിശ്ചയിച്ചത്. എന്നാല് മോഹന്ലാലിന് ഓണച്ചിത്രം ഇല്ലാത്തത് മൂലം റിലീസ് നീട്ടുകയായിരുന്നു.
ഇന്റര്നാഷണല് ഫ്ലവര് സെല്ലറാണ് കാസനോവ. ഇയാള്ക്ക് പൂക്കളെ പോലെ തന്നെയാണ് പ്രണയിനിമാരും. എവിടെച്ചെന്നാലും അവിടെ കാമുകിമാരുടെ നിരയും സൃഷ്ടിക്കപ്പെടും. ലക്ഷങ്ങള് വിലയുള്ള ബ്രാന്ഡഡ് ഡ്രസുകള് ധരിച്ചും കൂളിംഗ് ഗ്ലാസുകള് മാറിമാറി വച്ചും വിലയേറിയ കാറുകളില് സഞ്ചരിച്ചും പ്രണയിനിമാരെ വിസ്മയിപ്പിക്കുന്ന കഥാപാത്രമാണ് മോഹന്ലാലിന്റെ കാസനോവ. കാസനോവയുടെ പ്രണയജീവിതം കളര്ഫുളായി ചിത്രീകരിച്ചിരിക്കുകയാണ് ഈ ചിത്രത്തില്.
ഈ ലൌ ത്രില്ലര് പ്രണയവും പകയും ഒരുപോലെ ആഘോഷിക്കുന്ന ചിത്രമാണ്. സഞ്ജയ് - ബോബി ടീമാണ് കാസനോവയ്ക്ക് തിരക്കഥ രചിക്കുന്നത്. ശ്രേയ, റോമ, സഞ്ജന തുടങ്ങിയവരാണ് നായികമാര്. ഗോപി സുന്ദര്, അല്ഫോണ്സ്, ഗൗരി എന്നിവര് ചേര്ന്ന് സംഗീതസംവിധാനം നിര്വഹിച്ചിരിക്കുന്നു.
ദിവ്യ ഉണ്ണിയുടെ സഹോദരിയും സിനിമയിലേക്ക്
മുന്കാല നായിക ദിവ്യ ഉണ്ണിയുടെ സഹോദരി വിദ്യ ഉണ്ണി മലയാള സിനിമയില് ഭാഗ്യംപരീക്ഷിക്കാന് ഒരുങ്ങുന്നു. ഷൂട്ടിങ് പുരോഗമിക്കുന്ന 'ഡോക്ടര് ലൗ' എന്ന ചിത്രത്തിലൂടെയാണ് വിദ്യ സിനിമയിലേക്കെത്തുന്നത്. കുഞ്ചാക്കോ ബോബന് നായകനാകുന്ന ചിത്രത്തില് ഭാവനയാണ് നായിക. ചിത്രത്തില് ഏറെ പ്രാധാന്യമുള്ള ഒരു കോളജ് വിദ്യാര്ഥിനിയുടെ വേഷമാണ് വിദ്യക്ക്. മറ്റൊരു പ്രധാന കഥാപാത്രമായി അനന്യയും ചിത്രത്തില് അഭിനയിക്കുന്നുണ്ട് . വിദ്യാര്ഥിയായ വിദ്യ പഠനത്തോടൊപ്പം സിനിമയിലും സജീവമാകാന് ഒരുങ്ങുകയാണ്. അമേരിക്കയില് ബിസിനസ്സുകാരനെ വിവാഹം കഴിച്ച ദിവ്യ ഉണ്ണി ഭര്ത്താവിനൊപ്പം അമേരിക്കയിലാണ്. വിവാഹത്തോടെ അവര് സിനിമ ലോകത്തോട് വിടപറയുകയും ചെയ്തു.
Tuesday, May 31, 2011
ശ്രീനിവാസന് ഇനി ലഫ്റ്റനന്റ് കേണല് സരോജ് കുമാര്
ഉദയനാണ് താരത്തിന്റെ രണ്ടാം ഭാഗം ഒരുക്കുന്നുവെന്ന വാര്ത്ത നേരത്തെ വെബ്ദുനിയ റിപ്പോര്ട്ട് ചെയ്തിരുന്നു. ഇപ്പോഴിതാ ഇതുസംബന്ധിച്ച് കൂടുതല് വിവരങ്ങള് പുറത്തുവരുന്നു. ചിത്രത്തില് ശ്രീനിവാസന് അവതരിപ്പിക്കുന്നത് ലഫ്റ്റനന്റ് കേണല് സരോജ് കുമാര് എന്ന കഥാപാത്രത്തെയാണ്.
രണ്ടാം ഭാഗത്തില് സൂപ്പര് സ്റ്റാര് സരോജ് കുമാറിന് ലഫ്റ്റനന്റ് കേണല് പദവി കിട്ടുകയാണ്. എന്നാല് ആദ്യഭാഗത്തിലെ നായകനായ സംവിധായക കഥാപാത്രമായി മോഹന്ലാല് പുതിയ ചിത്രത്തിലുണ്ടാകില്ല. ശ്രീനിവാസനൊപ്പം മകന് വിനീത് ആണ് പ്രധാന വേഷം ചെയ്യുക. ചിത്രത്തിന്റെ രണ്ടാം ഭാഗത്തിലും മലയാള സിനിമയിലെ ചില മോശം പ്രവണതകള്ക്കെതിരെയുള്ള വിമര്ശനം ആക്ഷേപഹാസ്യത്തിന്റെ രീതിയിലാണ് അവതരിപ്പിക്കുന്നത്. അടുത്തകാലത്തായി മലയാള സിനിമയുടെ അവസ്ഥയാണ് ഉദയനാണ് താരത്തിന്റെ രണ്ടാം ഭാഗത്തിലൂടെ തുറന്നുകാട്ടുക.
ശ്രീനിവാസന് തന്നെ കഥയും തിരക്കഥയും ഒരുക്കുന്ന ചിത്രം സംവിധാനം ചെയ്യുന്നത് നവാഗതനായിരിക്കും. ഉദയനാണ് താരം സംവിധാനം ചെയ്തത് റോഷന് ആന്ഡ്രൂസ് ആയിരുന്നു. വൈശാഖ് മൂവിയാണ് ഉദയനാണ് താരത്തിന്റെ രണ്ടാം ഭാഗം നിര്മ്മിക്കുന്നത്. ചിത്രത്തെക്കുറിച്ചുള്ള മറ്റു കാര്യങ്ങളുടെ ചര്ച്ച പുരോഗമിക്കുകയാണ്.
നല്ല സിനിമയെടുക്കാന് ശ്രമിക്കുന്ന ഉദയഭാനു എന്ന സംവിധായകനെ അവതരിപ്പിച്ച മോഹന്ലാലായിരുന്നു ഉദയനാണ് താരത്തിലെ നായകന്. സിനിമാനടിയെ അവതരിപ്പിച്ച മീനയായിരുന്നു നായിക. താരാധിപത്യത്തിന്റെ മോശം വശങ്ങള് തുറന്ന് കാട്ടുന്ന സരോജ്കുമാര് എന്ന സൂപ്പര്സ്റ്റാറായി ശ്രീനിവാസനും വേഷമിട്ട ഈ ചിത്രം ആക്ഷേപഹാസ്യത്തിന്റെ ചേരുവകള് ചേര്ത്താണ് ഒരുക്കിയിരുന്നത്. ചിരിക്കാനും ചിന്തിക്കാനും നിരവധി മുഹൂര്ത്തങ്ങള് സമ്മാനിച്ച ചിത്രമായിരുന്നു ഉദയനാണ് താരം.
സുശീന്ദ്രന് ചിത്രത്തില് വിക്രമിന് ഇരട്ട വേഷം
അഴകര്സാമിയിന് കുതിരൈ എന്ന ചിത്രത്തിന് ശേഷം സുശീന്ദ്രന് സംവിധാനം ചെയ്യുന്ന ചിത്രത്തില് വിക്രം ഇരട്ടവേഷത്തില്. അച്ഛനായും മകനായുമായാണ് വിക്രം ഈ സിനിമയില് അഭിനയിക്കുക.
ചിത്രത്തിന് വെന്തന് എന്നാണ് പേരിട്ടിരിക്കുന്നത് എന്നായിരുന്നു നേരത്തെയുള്ള റിപ്പോര്ട്ടുകള്. എന്നാല് ഇക്കാര്യത്തില് വ്യക്തതയായിട്ടില്ല. ചിത്രത്തിന് തിരക്കഥ ഒരുക്കുന്നതും സുശീന്ദ്രനാണ്.
ദീക്ഷാ സേത്തും മിത്രാ കുര്യനുമാണ് ചിത്രത്തില് പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. കനകരത്ന രമേഷാണ് ചിത്രം നിര്മ്മിക്കുന്നത്. യുവന് ശങ്കര്രാജയുടെയാണ് സംഗീത സംവിധാനം നിര്വഹിക്കുന്നത്. സിനിമയുടെ ചിത്രീകരണം ജൂണ് 7 ന് ആരംഭിക്കും.
ഒരു ഗാനം 16 ഭാഷയില്; വിജയ് പുതിയ സ്റ്റൈലില്
സൂപ്പര് ഹിറ്റ് ബോളിവുഡ് ചിത്രമായ ത്രീ ഇഡിയറ്റ്സിന്റെ തമിഴ് പതിപ്പായ നന്പനിലെ ഒരു ഗാനം ഒരുക്കിയിരിക്കുന്നത് ഇന്ത്യയിലെ 16 ഭാഷകളില്. രാജ്യത്തെ നിരവധി സംസ്ഥാനങ്ങളിലായാണ് ഈ ഗാനം ഈ ചിത്രീകരിച്ചിരിക്കുന്നതെന്നാണ് അറിയുന്നത്.
വിജയും ഇല്യാനയുമാണ് ഈ ഗാനരംഗത്ത് പ്രത്യക്ഷപ്പെടുന്നത്. മദന് കര്ക്കിയുടെ വരികള്ക്ക് ഈണം പകര്ന്നിരിക്കുന്നത് ഹാരിസ് ജയരാജാണ്. വിജയ് പ്രകാശാണ് ഈ ഗാനം ആലപിച്ചിരിക്കുന്നത്.
ഏറെ പ്രത്യേകതകളോടെയാണ് സംവിധായകന് ഷങ്കര് ത്രീ ഇഡിയറ്റ്സിന്റെ തമിഴ് പതിപ്പ് ഒരുക്കുന്നത്. വിജയ് ഇത്രയും നാള് തുടര്ന്നുവന്ന അഭിനയശൈലിയില് പോലും ഷങ്കര് മാറ്റം വരുത്തിയെന്നാണ് റിപ്പോര്ട്ട്. വിജയുടെ ആരാധകര്ക്ക് നന്പനിലെ കഥാപാത്രം ഒരു അദ്ഭുതമായിരിക്കും എന്നാണ് അണിയറപ്രവര്ത്തകര് പറയുന്നത്.
ജീവ, ശ്രീകാന്ത്, സത്യരാജ് എന്നിവരും ചിത്രത്തില് അണിനിരക്കുന്നുണ്ട്. ജെമിനി ഫിലിം സര്ക്യൂട്ടാണ് ചിത്രം നിര്മ്മിക്കുന്നത്. നന്പന് ദീപാവലിയ്ക്ക് തിയറ്ററുകളില് എത്തുമെന്നാണ് സൂചന.
Thursday, May 26, 2011
നസീറിന്റെ കൊച്ചുമകന് സിനിമയിലേക്ക്
മലയാള സിനിമയിലെ എക്കാലത്തെയും ജനപ്രിയതാരം പ്രേംനസീറിന്റെ ചെറുമകന് വെള്ളിത്തിരയില് അരങ്ങേറ്റത്തിനൊരുങ്ങുന്നു. 1993ലെ സൂപ്പര്ഹിറ്റ് ചിത്രമായ ഉപ്പുകണ്ടം ബ്രദേഴ്സിന്റെ രണ്ടാം ഭാഗത്തില് പ്രധാന വേഷമിട്ടാണ് നസീറിന്റെ മകനും നടനുമായ ഷാനവാസിന്റെ മകന് സിനിമാലോകത്തേക്ക് ചുവടുവെയ്ക്കുന്നത്.
തമിഴിലെ യുവതാരങ്ങളില് ശ്രദ്ധേയനായ ശ്രീകാന്ത് മലയാളത്തില് അരങ്ങേറ്റം കുറിക്കുന്ന ചിത്രംകൂടിയാണ് ഉപ്പുകണ്ടം ബ്രദേഴ്സ്-ബാക്ക് ഇന് ആക്ഷന്. പിതാവ് ഷാനവാസിന് സിനിമയില് അധികം തിളങ്ങാനായില്ലെങ്കിലും തനിയ്ക്കത് സാധിയ്ക്കുമെന്ന വിശ്വാസത്തിലാണ് ഷമീര്. എന്നാല് മുത്തച്ഛന്റെ
ജൂനിയര് നസീര് എന്ന പേരും ഷമീറിന് ഇനിടെ സ്വന്തമായി കഴിഞ്ഞു. സ്കൂള് പഠനത്തിനു ശേഷം ചെന്നൈയിലേക്കു പോയ ഷമീര് പിന്നീട് മലേഷ്യയില് ഹോട്ടല് മാനേജ്മെന്റ് പഠനം പൂര്ത്തിയാക്കി. കൊച്ചിയില് കുറച്ചുനാള് ജോലി നോക്കിയ ഷമീര് ന്യൂസിലന്ഡില് ഉപരിപഠനത്തിനു പോകുന്നതിന്റെ ഇടവേളയിലാണ് സിനിമയില് ഒരു കൈനോക്കുന്നത്. കുറെക്കാലം കേരളത്തിന് പുറത്തായതിനാല് മലയാളം പറയാന് ലേശം ബുദ്ധിമുട്ടുണ്ടെന്ന് ഷമീര് പറയുന്നു.
സംവിധായകന് ടിഎസ് സുരേഷ് ബാബുവാണ് ജൂനിയര് നസീറിനെ മലയാളത്തിന് പരിചയപ്പെടുത്തുന്നത്. ഷൂട്ടിങ്ങിന്റെ ആദ്യ രണ്ടു നാള് മകന് ഉപദേശങ്ങളുമായി ഷാനവാസ് തിരുവനന്തപുരത്തെ ലൊക്കേഷനില് ഉണ്ടായിരുന്നു.
കരിയറില് മറ്റാര്ക്കും സ്വന്തമാക്കാനാവത്ത നേട്ടങ്ങള് സ്വന്തമാക്കിയ നടനാണ് പ്രേംനസീര്. എഴുനൂറിലധികം സിനിമകള്. അതില് ഷീല-നസീര് ജോഡികള് 107 സിനിമയില്. ഒരു വര്ഷം (1979) 39 സിനിമകളില് നായകന്. നിത്യഹരിതതാരത്തിന്റെ നേട്ടങ്ങളെല്ലാം ഇന്നും ഗിന്നസ്ബുക്കില് തകര്ക്കപ്പെടാതെ നിലനില്ക്കുന്നു.
ആദാമിന്റെ മകന് അബു മോഷണമെന്ന് ആരോപണം
മികച്ച മലയാള ചിത്രത്തിനുള്ള ദേശീയ പുരസ്കാരവും സംസ്ഥാന അവാര്ഡും നേടിയ ആദാമിന്റെ മകന് അബു എന്ന സിനിമയുടെ കഥ മോഷ്ടിച്ചതാണെന്ന് ആരോപണം.
സീരിയല് സംവിധായകനായ അബ്ബാസ് കാളത്തോട് ആണ് ഗുരുതരമായ ആരോപണവുമായി രംഗത്തെത്തിയത്. ചിത്രത്തിന്റെ സംവിധായകനും മറ്റുമെതിരേ നിയമനടപടിക്കൊരുങ്ങുകയാണ് അബ്ബാസ് കാളത്തോട്.
എട്ടു വര്ഷം മുന്പ് താനിറക്കിയ മരുപ്പച്ച എന്ന ഹ്രസ്വചിത്രത്തിന്റെ അനുകരണമാണ് സിനിമയെന്നാണ് ആരോപണം. ചിത്രത്തിലെ മക്ക എന്ന ഗാനവും അനുകരണമാണെന്ന് അബ്ബാസ് കാളത്തോട് ആരോപിക്കുന്നു. ഇതോടെ ആദാമിന്റെ മകന് അബു പുതിയ വിവാദങ്ങളിലേക്ക് ചെന്നുവീഴുകയാമ്.
ദേശീയ-സംസ്ഥാന ചലച്ചിത്ര പുരസ്കാര വേദികളില് മലയാളത്തിന്റെ അഭിമാനം ഉയര്ത്തിയ ആദാമിന്റെ മകന് അബുവിന്റെ സംവിധായകന് സലിം അഹമ്മദാണ്. ചിത്രത്തില് വൃദ്ധന്റെ വേഷം അവതരിപ്പിച്ച നടന് സലീം കുമാറിന് മികച്ച നടനുള്ള പുരസ്കാരം ലഭിച്ചിരുന്നു.
Tuesday, May 24, 2011
നല്ല സിനിമയുടെ മേല്വിലാസം
വ്യത്യസ്തമായ സിനിമാ പരിശ്രമങ്ങള് അപൂര്വമായി കൊണ്ടിരിക്കുന്ന മലയാള സിനിമയില് വേറിട്ടൊരു പരീക്ഷണമായി തിയ്യറ്ററുകളിലെത്തിയ സിനിമയാണ് മാധവ് രാമദാസ് സംവിധാനം ചെയ്ത മേല്വിലാസം. സ്വദേശ് ദീപക്കിന്റെ പ്രശസ്ത ഹിന്ദി നാടകമായ കോര്ട്ട് മാര്ഷലിന്റെ മലയാളരൂപത്തെ സൂര്യകൃഷ്ണമൂര്ത്തിയാണ് മേല്വിലാസം എന്ന പേരില് നാടകമാക്കിയത്. സൂര്യയുടെ സ്റ്റേജ് ഷോകളില് സൂപ്പര്ഹിറ്റായി ഓടുകയും ചെയ്തു ഈ നാടകം.
അതിന്റെ സിനിമാഭാഷ്യമാണ് മാധവിന്റെ അതേപേരിലുള്ള ഈ ചിത്രം. അമിത വികാരത്തിന് അടിമപ്പെടുന്നവനല്ല ഒരു പട്ടാളക്കാരന് എന്ന കൃത്രിമ മനോനിലയെയും അതിനെ കീഴ്പ്പെടുത്തുന്ന ആസന്നതകളെയും വൈകാരികതയേയും വെളിച്ചത്തുകൊണ്ടുവരുന്ന ഈ ചിത്രം അഭിനേതാക്കള്ക്കും ഛായാഗ്രാഹകനുമെല്ലാം വലിയ വെല്ലുവിളിയാണ് ഉയര്ത്തിയത്. നാലുചുവരുകളുടെ അടച്ചിട്ട, വായുസഞ്ചാരം പോലും പട്ടാളച്ചിട്ടയില് അധിഷ്ഠിതമായ ഒരു പരിതസ്ഥിതിയില് നടക്കുന്ന കോര്ട്ട് മാര്ഷല് എന്ന സൈനിക വിചാരണയാണ് മേല്വിലാസം എന്ന സിനിമയുടെ ഇതിവൃത്തം.
അതിലൂടെ ഇന്ത്യന് സൈനിക വ്യവസ്ഥയിലെ കീഴാളവിരുദ്ധ നിലപാടിന്റെ തെളിഞ്ഞ ചിത്രണങ്ങളും അതിന്റെ പരിഹാസ്യരൂപവും അടിവരയിട്ട് ബോധ്യപ്പെടുത്തുകയും ചെയ്യുന്നു മേല്വിലാസം. ജാതിവിവേചനത്തിന്റെ സൈനിക ഭാഷയും സാധാരണക്കാരനായ ഒരു പട്ടാളക്കാരന്റെ നിസ്സഹായ ജീവിതാസ്ഥയും അനിശ്ചിതത്വങ്ങളും ചൂണ്ടിക്കാണിക്കുന്ന ഈ ചിത്രം തിരക്കഥയോടും മൂലനാടകത്തോടും നീതിപുലര്ത്തുന്നു എന്നതാണ് ശ്രദ്ധേയം. മനോഹരമായ ദൃശ്യസന്നിവേശവും ആഖ്യാനവുമാണ് ഈ കൊച്ചുസിനിമയെ അഭിനന്ദനാര്ഹമാക്കുന്നത്.
മാധവ് രാമദാസിന്റെ ആദ്യചിത്രം അങ്ങേയറ്റത്തെ കയ്യടക്കം കൊണ്ടും അവതരണശൈലി കൊണ്ടും അടുത്ത കാലത്തിറങ്ങിയ ഏറ്റവും നല്ല ചിത്രമായി മാറുന്നു എന്ന് പറയാതെ വയ്യ. ഒരു കോടതി മുറിയില് മാത്രം നിലനില്ക്കുന്ന രംഗങ്ങള്, ഒന്നേ മുക്കാല് മണിക്കൂര് നേരം അവിടെ മാത്രം കഥ നടക്കുക, എന്നിട്ടും ഒരു മിനിറ്റ് പോലും ബോറടിക്കാതെ പ്രേക്ഷകന് അത് കണ്ടിരിക്കുക എന്നുപറഞ്ഞാല് പിന്നെ ചിത്രത്തിന്റെ മേന്മയെക്കുറിച്ച് പ്രത്യേകിച്ച് പറയേണ്ടതില്ലല്ലോ.
വെറും പത്ത് ദിവസം കൊണ്ട് ചെറിയ ബജറ്റില് തിരുവനന്തപുരം യൂണിവേഴ്സിറ്റി മെന്സ് ഹോസ്റ്റലില് സെറ്റിട്ട് ചിത്രീകരിച്ച മേല്വിലാസം അഭിനേതാക്കളുടെ മികവ് കൊണ്ടും ശ്രദ്ധേയമാണ്. സുരേഷ് ഗോപി, പാര്ഥിപന്, തലൈവാസല് വിജയ്, കക്കരവി, കൃഷ്ണകുമാര്, അശോകന് തുടങ്ങിയ അഭിനേതാക്കള് പ്രകടിപ്പിക്കുന്ന സൂക്ഷ്മതയും മിതത്വവുമാണ് ചിത്രത്തിന്റെ ഹൈലൈറ്റ്. പശ്ചാത്തലസംഗീതവും ഛായാഗ്രഹണവും കലാസംവിധാനവും അടക്കം എല്ലാ മേഖലകളിലും മികവ് പുലര്ത്തിയിട്ടും പക്ഷേ ചിത്രം കാണാന് ആളുണ്ടായില്ല എന്നതാണ് വിചിത്രം.
നല്ല സിനിമ തരൂ എന്ന് വാശിപിടിക്കുകയും അങ്ങനെ ഒന്ന് സംഭവിച്ചാല് അത് കാണാതിരിക്കുകയും ചെയ്യുന്ന അതേ ഇരട്ടത്താപ്പ് മലയാളി പ്രേക്ഷകര് ഈ ചിത്രത്തോടും കാണിച്ചു. സൂപ്പര്താര-മള്ട്ടി സ്റ്റാര് ബ്രഹ്മാണ്ഡ ചിത്രത്തോട് പ്രത്യേക മമതയുള്ള തിയ്യറ്ററുകളും മേല്വിലാസത്തെ എങ്ങനെയങ്കിലും ഹോള്ഡ് ഓവര് ആക്കാന് പ്രത്യേകം ശ്രദ്ധിക്കുകയും ചെയ്തു. അങ്ങനെ ടി.ഡി. ദാസന് ആറ് ബി പോലെ മറ്റൊരു മനോഹര ചിത്രം കൂടി അനാഥമായി തിയ്യറ്ററുകളില് നിന്ന് പുറത്താക്കപ്പെടുന്നു.
അഞ്ച് കൊല്ലം കഴിഞ്ഞാല് ടി.വിയില് കണ്ടിട്ട് നാം പറയും ഇത് എത്ര നല്ല ചിത്രമായിരുന്നുവെന്ന്. അങ്ങനെയുള്ള എത്രയോ ഉദാഹരണങ്ങള് നമ്മള്ക്ക് മുന്നിലുണ്ട്. റിലീസ് ചെയ്ത് തിയ്യറ്ററില് നിന്ന് പുറത്താക്കപ്പെട്ട മേല്വിലാസം ഒരുകൂട്ടം സഹൃദയരുടെ പിന്തുണയോടെ വീണ്ടും റിലീസ് ചെയ്തിരിക്കുകയാണിപ്പോള്.
കടുത്ത ശിക്ഷാ നടപടികള്ക്ക് വിധേയനാകുന്ന രാമചന്ദ്രന് എന്ന തമിഴ് ജവാന്റെ അവഗണന നിറഞ്ഞ സൈനിക ജീവിതം സൗന്ദര്യാത്മകതയോടെ ചിത്രീകരിച്ച ഈ സിനിമയ്ക്കും നായകന്റെ അതേഗതിയാണ് സിനിമാലോകം സമ്മാനിച്ചുകൊണ്ടിരിക്കുന്നത്. ചിത്രം ജൂണ് മാസത്തില് മൂന്നാംതവണ തിയ്യറ്ററുകളിലെത്തിക്കാനുള്ള പരിശ്രമത്തിലാണ് മാധവ് രാമദാസും അണിയറ പ്രവര്ത്തകരും. ആനന്ദ് ബാലകൃഷ്ണന്റെ ഛായാഗ്രഹണം പ്രത്യേക പരാമര്ശം അര്ഹിക്കുന്ന മേല്വിലാസം ഇപ്പോള് മൗത്ത് പബ്ലിസിറ്റിയുടെ മാത്രം ബലത്തിലാണ് മുന്നോട്ടുനീങ്ങുന്നതെന്ന് സംവിധായകന് പറയുന്നു.
തിരക്കഥയുടെ കെട്ടുറപ്പും പിരിമുറുക്കം സൃഷ്ടിക്കുന്ന വിചാരണക്കോടതിയിലെ അന്തരീക്ഷത്തെയും അതേ പിരിമുറുക്കത്തോടെ പ്രേക്ഷകരിലേക്ക് എത്തിക്കാന് കഴിഞ്ഞ സംവിധാന മികവാണ് ഏറ്റവും അംഗീകരിക്കപ്പെടേണ്ടത്.
ചിത്രം തിയ്യറ്റര് വിട്ടെങ്കിലും സംവിധായകന് ശരത്തിന്റെ സഹായിയായി സിനിമാലോകത്തെത്തിയ മാധവ് രാമദാസ് തനിക്ക് വന്നുകൊണ്ടിരിക്കുന്ന മികച്ച പ്രതികരണത്തില് സന്തുഷ്ടനാണ്.
ഒരു കോടതി മുറിയ്ക്കുള്ളിലെ പരിമിതമായ സാഹചര്യത്തെ മുന്നിര്ത്തി അതിഭാവുകത്വമില്ലാത്ത അഭിനയത്തോടെ തന്റെ ജോലി മനോഹരമായി ചെയ്ത അഭിനേതാക്കളും ചിത്രത്തോട് നീതിപുലര്ത്തിയിരിക്കുന്നു. കുട്ടിസ്രാങ്കും ടിഡി ദാസനും ആത്മകഥയും കോക്ക്ടെയിലും ട്രാഫിക്കും ഭക്തജനങ്ങളുടെ ശ്രദ്ധയ്ക്കും പ്രാഞ്ചിയേട്ടനും പോലെയുള്ള നല്ല ചിത്രങ്ങളുടെ ശ്രേണി ഇനിയും നീളാന് ഇത്തരം ചിത്രങ്ങളെ പ്രേക്ഷകന് ഇടപെട്ട് രക്ഷിച്ചേ മതിയാകൂ. എങ്കില് മാത്രമേ മലയാളസിനിമയുടെ നല്ല മേല്വിലാസത്തിന് നിലനില്പ്പുള്ളു.
Subscribe to:
Posts (Atom)