അരക്കള്ളനും മുക്കാക്കള്ളനും ഇനി വൈകില്ല

മലയാളി പ്രേക്ഷകരൊന്നടങ്കം കാത്തിരിയ്ക്കുന്ന അരക്കള്ളന്‍ മുക്കാക്കള്ളന്‍ പ്രൊജക്ടിന്റെ വാര്‍ത്തകള്‍ വന്നുതുടങ്ങിയിട്ട് കാലമേറെയായി. മലയാളത്തിലെ നമ്പര്‍ വണ്‍ തിരക്കഥാകൃത്തുക്കളായ സിബി ഉദയന്‍ ടീമിന്റെ തിരക്കഥയില്‍ താരരാജാക്കന്മാരായ മമ്മൂട്ടിയും ലാലും ഒന്നിയ്ക്കുന്ന സിനിമയെപ്പറ്റി തന്നെയാണ് പറഞ്ഞുവരുന്നത്.

ഇരട്ടതിരക്കഥാകൃത്തുകളുടെ ആദ്യസംവിധാസംരംഭമെന്നായിരുന്നു ഈ പ്രൊജക്ടിന്റെ മറ്റൊരു പ്രത്യേകത. എന്നാല്‍ മമ്മൂട്ടി ലാലിനെയും പോലെ ഒരുപക്ഷേ അവരേക്കാളേറെ സിബിയും ഉദയനും തിരക്കില്‍പ്പെട്ടതോടെ ഈ സിനിമയും നീണ്ടുപോയി.

സിനിമയുടെ കഥയെഴുതി വന്നപ്പോള്‍ ജനപ്രിയ നായകന്‍ ദിലീപും ഈ സിനിമയിലെത്തിയിരുന്നു. അരക്കള്ളനെയും മുക്കാക്കള്ളന്റെയും എര്‍ത്തായി നടക്കുന്ന കഥാപാത്രമായിട്ടാണ് ദിലീപ് അവതരിപ്പിയ്ക്കുന്ന കഥാപാത്രത്തിന്റെ രംഗപ്രവേശം.

എന്തായാലും തങ്ങളുടെ ഡ്രീം പ്രൊജക്ട് ഇനിയും വൈകിയ്‌ക്കേണ്ടെന്ന ഉറച്ച തീരുമാനത്തിലാണ് സിബി ഉദയന്‍മാര്‍. മറ്റുള്ള സംവിധായകര്‍ക്ക് തിരക്കഥയെഴുതിക്കൊടുക്കുന്നത് തത്കാലത്തേക്ക് നിര്‍ത്തി തങ്ങളുടെ അരക്കള്ളനെയും മുക്കാക്കള്ളനെയും സ്‌ക്രീനിലെത്തിയ്ക്കാന്‍ ഇവര്‍ തീരുമാനിച്ചുകഴിഞ്ഞു.

ദിലീപിനെ നായകനാക്കി ജോസ്‌തോമസ് സംവിധാനം ചെയ്യുന്ന മൈ നെയിം ഈസ് അവറാച്ചന് ശേഷം സ്വന്തം ചിത്രത്തിന്റെ ജോലികള്‍ ആരംഭിയ്ക്കാനാണ് സിബിയും ഉദയനും തീരുമാനിച്ചിരിയ്ക്കുന്നത്. മമ്മൂട്ടിയുടെ പ്ലേഹൗസ് നിര്‍മിയ്ക്കുന്ന ഈ ബിഗ് ബജറ്റ് ചിത്രം 2012 ആദ്യം തിയറ്ററുകളിലെത്തുമെന്നാണ് കരുതപ്പെടുന്നത്.

ഫാന്‍സ് മമ്മൂട്ടിച്ചിത്രത്തിന്റെ ഷൂട്ടിങ് മുടക്കി

ആരാധകരുടെ ആവേശം മമ്മൂട്ടിച്ചിത്രത്തിന്റെ ഷൂട്ടിങ് മുടക്കി. ഷാഫി ഒരുക്കുന്ന വെനീസിലെ വ്യാപാരിയെന്ന ചിത്രത്തിന്റെ ചിത്രീകരണത്തിനിടെയാണ് ആരാധകര്‍ ആവേശവുമായി തള്ളിക്കയറിയത്. ആലപ്പുഴയിലെ പൂച്ചാക്കല്‍ ചന്തയിലായിരുന്നു സെറ്റ്. ആരാധകര്‍ അടങ്ങാതായതോടെ ഷൂട്ടിങ് മുടങ്ങി.

പിന്നീട് വളരെ രഹസ്യമായി കഞ്ഞിക്കുഴി ചന്തയില്‍ വച്ച് ചിത്രീകരണം നടത്തി. എണ്‍പതുകളുടെ പശ്ചാത്തലത്തിലൊരുക്കുന്ന ചിത്രമാണിത്. അതുകൊണ്ടാണ് ഏറെവര്‍ഷം പഴക്കമുള്ള പൂച്ചാക്കല്‍ ചന്തയില്‍ ചിത്രീകരണം നടത്താന്‍ തീരുമാനിച്ചത്.

വ്യാഴാഴ്ച കാലത്ത് പത്തരയോടെ മമ്മൂട്ടി എത്തി, ഇതുകണ്ട ആരാധകര്‍ ആര്‍ത്തുവിളിച്ചു. വണ്ടിയില്‍ ഇരുന്നുതന്നെ കഥാപാത്രത്തിന്റെ വേഷമിട്ട് മമ്മൂട്ടി സെറ്റിലേയ്ക്ക് വരാന്‍ ശ്രമിച്ചെങ്കിലും ആരാധകരുടെ തിരക്കിനിടയില്‍ ഇതു സാധിച്ചില്ല. പൊലീസും സിനിമാ പിന്നണിക്കാരും ചേര്‍ന്ന് ജനക്കൂട്ടത്തെ നിയന്ത്രിക്കാന്‍ ശ്രമിച്ചെങ്കിലും ഒന്നും വിലപ്പോയില്ല.

ഇതിനിടെ മമ്മൂട്ടിയെ തൊട്ടടുത്ത വീട്ടിലേക്ക് മാറ്റി. ഇതോടെ ആരാധകര്‍ ഈ വീടിന് ചുറ്റം തടിച്ചുകൂടി.
രണ്ട് മണിക്കൂര്‍ കഴിഞ്ഞിട്ടും തിരക്ക് നിയന്ത്രിക്കാന്‍ കഴിയാഞ്ഞതിനെത്തുടര്‍ന്ന് മമ്മൂട്ടി അഭിനയിക്കുന്ന ഭാഗത്തിന്റെ ചിത്രീകരണം ഉപേക്ഷിച്ചു. മമ്മൂട്ടി കാറില്‍ മടങ്ങുകയും ചെയ്തു.

മമ്മൂട്ടി പോയതിനു പിന്നാലെ ആരാധകര്‍ ഒഴിഞ്ഞ തക്കം നോക്കി സുരാജ് വെഞ്ഞാറംമൂട്, സാജു കൊടിയന്‍ എന്നിവര്‍ ഉള്‍പ്പെട്ട സീനുകള്‍ ചിത്രീകരിച്ചു.

ആള്‍ത്തിരക്കുമൂലം പൂച്ചാക്കലില്‍നിന്ന് മാറ്റിയ ചിത്രീകരണമാണ് വ്യാഴാഴ്ച ഉച്ചക്കു ശേഷം പൊടുന്നനെ ആരോരുമറിയാതെ കഞ്ഞിക്കുഴി ജങ്ഷനു പടിഞ്ഞാറു ഭാഗത്തെ മാര്‍ക്കറ്റില്‍ നടന്നത്. ഷൂട്ടിങ് തുടങ്ങി നിമിഷങ്ങള്‍ക്കകം ഇവിടെയും ആരാധകര്‍ എത്തിയെങ്കിലും അവര്‍ മര്യാദക്കാരായതിനാല്‍ ചിത്രീകരണം തടസ്സപ്പെട്ടില്ല.

'ബോംബെ മാര്‍ച്ച് 12' റിലീസ് നീട്ടി

മമ്മൂട്ടിയെ കേന്ദ്ര കഥാപാത്രമാക്കി തിരക്കഥാകൃത്ത് ബാബുജനാര്‍ദനന്‍ ആദ്യമായി സംവിധാനം ചെയ്യുന്ന ചിത്രം '1993 ബോംബേ മാര്‍ച്ച് 12' ന്റെ റീലീസ് നീട്ടി. ജൂണ്‍ 24ന് സിനിമ തിയേറ്ററിലെത്തിക്കുമെന്നാണ് വിതരണക്കാരായ പ്ലേ ഹൗസ് അറിയിച്ചിരുന്നത്. എന്നാല്‍ ആദാമിന്റെ മകന്‍ അബുവും ഇതേ ദിവസം തന്നെ പ്രദര്‍ശനത്തിനെത്തുന്നതിനാല്‍ ഒരാഴ്ച റീലീസ് വൈകിക്കാന്‍ തീരുമാനിച്ചത്. മറ്റ് മാറ്റങ്ങളുണ്ടായില്ലെങ്കില്‍ ഈ പരീക്ഷണ ചിത്രം ജൂണ്‍ 30 നെത്തും.

റെഡ് റോസ് ക്രിയേഷന്‍സിന്റെ ബാനറില്‍ ഹനീഫ് മുഹമ്മദ് നിര്‍മിക്കുന്ന ഈ ചിത്രത്തിന്റെ തിരക്കഥ ബാബു ജനാര്‍ദനന്‍ തന്നെ നിര്‍വഹിക്കുന്നു. ലാല്‍, ഉണ്ണി, ഇര്‍ഷാദ്, ജയന്‍, ശ്രീരാമന്‍, സാദിക്, ബാലചന്ദ്രന്‍ ചുള്ളിക്കാട്, ചെമ്പന്‍, സുധീര്‍ കരമന, അനില്‍ മുരളി, മണികണ്ഠന്‍ പട്ടാമ്പി, കൊച്ചു പ്രേമന്‍, ജോ, സന്തോഷ്, അരുണ്‍ നാരായണന്‍, മാസ്റ്റര്‍ ഫ്ലെമിന്‍ ഫ്രാന്‍സിസ്, റോമ, ശാരി, ജ്യോതി, ശരണ്യ ശശി, രഞ്ജുഷ മേനോന്‍, ശോഭാസിങ്, ബാവിക, ചിന്നു, മീനാക്ഷി, മിനി അരുണ്‍, സുധാനായര്‍, അര്‍ച്ചന, ബിന്ദു വരാപ്പുഴ എന്നിവരാണ് മറ്റ് താരങ്ങള്‍.
ലോകത്തെ നടുക്കിയ ബോംബെ ബോംബ് സ്‌ഫോടനം, അതുമായി ബന്ധമില്ലാത്ത മൂന്നുമലയാളികളുടെ ജീവിതത്തിലുണ്ടാക്കിയ സംഭവ ബഹുലമായ കാര്യങ്ങള്‍ സമകാലിക പശ്ചാത്തലത്തില്‍ ദൃശ്യവത്കരിക്കുകയാണ് ബാബു ജനാര്‍ദനന്‍.
ഛായാഗ്രഹണം-വിപിന്‍ മോഹന്‍, ഗാനരചന-റഫീക് അഹമ്മദ്, സംഗീതം-അഫ്‌സല്‍ യൂസഫ്.

മേയ് മാസപ്പൂക്കളുമായി പൃഥ്വിരാജ്

മാണിക്യക്കല്ലിലൂടെ തന്‍റെ ഇമേജ് മാറ്റിപ്പണിയുകയായിരുന്നു ബിഗ്സ്റ്റാര്‍ പൃഥ്വിരാജ്. ആക്ഷന്‍ ചിത്രങ്ങളില്‍ മാത്രം തിളങ്ങുന്നു എന്ന പേരുദോഷമാണ് മാണിക്യക്കല്ലിലൂടെ പൃഥ്വി മാറ്റിത്തീര്‍ത്തത്. സത്യന്‍ അന്തിക്കാട് ലൈനിലുള്ള സിനിമകള്‍ക്ക് പ്രേക്ഷകര്‍ക്കിടയിലുള്ള സ്വീകാര്യത തിരിച്ചറിഞ്ഞാകണം ഇനി കുറച്ച് ‘ലൈറ്റ്’ സിനിമകള്‍ക്ക് പ്രാധാന്യം കൊടുക്കാമെന്നാണ് പൃഥ്വിരാജ് തീരുമാനിച്ചിരിക്കുന്നത്.

പാസഞ്ചര്‍, അര്‍ജുനന്‍ സാക്ഷി എന്നീ സിനിമകള്‍ സംവിധാനം ചെയ്ത രഞ്ജിത് ശങ്കര്‍ അല്‍പ്പം കട്ടിയുള്ള വിഷയങ്ങള്‍ സിനിമയാക്കണമെന്ന അഭിപ്രായക്കാരനാണ്. അര്‍ജുനന്‍ സാക്ഷി പരാജയമായെങ്കിലും തന്‍റെ അടുത്ത ചിത്രത്തിലും പൃഥ്വിയെ നായകനാക്കണമെന്നാണ് രഞ്ജിത് ശങ്കര്‍ ആഗ്രഹിച്ചത്. പൃഥ്വിയെ സമീപിച്ചപ്പോള്‍ അല്‍പ്പം ലളിതമായ സബ്ജക്ടുമായി വരാനുള്ള നിര്‍ദ്ദേശം കൊടുത്തതായാണ് വിവരം. എന്തായാലും പൃഥ്വിരാജിനെ നായകനാക്കി രഞ്ജിത് ശങ്കര്‍ സംവിധാനം ചെയ്യുന്ന ചിത്രത്തിന് പേരിട്ടു - ‘മേയ് ഫ്ലവര്‍’.

ലളിതമായ ഒരു ലവ് സ്റ്റോറിയാണ് മേയ് ഫ്ലവര്‍. പൃഥ്വിയുടെ നായികയായി ഒരു പുതുമുഖത്തെയാണ് പരിഗണിക്കുന്നത്. ഈ വര്‍ഷം അവസാനം ചിത്രീകരണം ആരംഭിക്കാനാണ് പദ്ധതി. രഞ്ജിത് ശങ്കര്‍ തന്നെ രചന നിര്‍വഹിക്കുന്നു.

അതേസമയം, ലാല്‍ ജോസ് സംവിധാനം ചെയ്യുന്ന കസിന്‍സ്, അമല്‍ നീരദ് സംവിധാനം ചെയ്യുന്ന ചിത്രം എന്നിവയുടെ ചര്‍ച്ചകള്‍ പൃഥ്വിയുടെ നേതൃത്വത്തില്‍ നടന്നുവരികയാണ്. കസിന്‍സില്‍ പൃഥ്വിക്കൊപ്പം മോഹന്‍ലാല്‍ അഭിനയിക്കുമ്പോള്‍ അമല്‍ നീരദ് ചിത്രത്തില്‍ മമ്മൂട്ടി എത്തുന്നു. അമല്‍ നീരദ് ചിത്രം നിര്‍മ്മിക്കുന്നതും പൃഥ്വിരാജാണ്.

വിജയത്തിളക്കം: മമ്മൂട്ടിയെ മറികടക്കുന്ന ലാല്‍

2010 മമ്മൂട്ടിയുടെ വര്‍ഷമായിരുന്നു. പ്രാഞ്ചിയേട്ടന്‍, പോക്കിരിരാജ, ബെസ്റ്റ് ആക്ടര്‍ തുടങ്ങി കലാപരമായും കച്ചവടപരമായും വിജയിച്ച സിനിമകള്‍ മമ്മൂട്ടി ആ വര്‍ഷം മലയാളികള്‍ക്ക് സമ്മാനിച്ചു. മോഹന്‍ലാലിന് പക്ഷേ ആശ്വസിക്കാന്‍ ഒരു ‘ശിക്കാര്‍’ മാത്രമാണ് ഉണ്ടായിരുന്നത്. അലക്സാണ്ടര്‍ ദ ഗ്രേറ്റ്, കാണ്ഡഹാര്‍ തുടങ്ങിയ ദയനീയ പരാജയങ്ങളുടെ നിഴലില്‍ ലാല്‍ വീണുപോയ വര്‍ഷമായിരുന്നു 2010.

എന്നാല്‍ 2011ല്‍ മോഹന്‍ലാല്‍ തിരിച്ചടിക്കുകയാണ്. മോഹന്‍ലാലിന്‍റേതായി ഈ വര്‍ഷം അഞ്ചുമാസത്തിനുള്ളില്‍ റിലീസായ രണ്ടു ചിത്രങ്ങളും മികച്ച വിജയമാണ് സ്വന്തമാക്കിയത്. ക്രിസ്ത്യന്‍ ബ്രദേഴ്സ്, ചൈനാ ടൌണ്‍ എന്നീ സിനിമകള്‍ കോടികളുടെ ലാഭം നേടി. രണ്ടും മള്‍ട്ടിസ്റ്റാര്‍ സിനിമകളാണെന്നും ലാലിന് അഭിമാനിക്കാന്‍ വകയൊന്നുമില്ലെന്നും വിമര്‍ശനങ്ങളുണ്ടെങ്കിലും മോഹന്‍ലാലിന്‍റെ താരപ്രഭ തന്നെയായിരുന്നു ഈ സിനിമകളുടെ മുഖ്യ ആകര്‍ഷണം എന്നത് വിസ്മരിക്കുക വയ്യ.

മമ്മൂട്ടിയുടെ അവസ്ഥയോ? മൂന്നു സിനിമകളാണ് ഈ അഞ്ചുമാസത്തിനകം മമ്മൂട്ടിയുടേതായി പ്രദര്‍ശനത്തിനെത്തിയത്. ആഗസ്റ്റ് 15, ഡബിള്‍സ്, ദ ട്രെയിന്‍ എന്നിവ. മൂന്നു ചിത്രങ്ങളിലും മമ്മൂട്ടി സോളോ ഹീറോ ആയിരുന്നു. ബോക്സോഫീസില്‍ തകര്‍ന്ന് തരിപ്പണമാകുകയായിരുന്നു ഈ ചിത്രങ്ങളുടെ വിധി.

മമ്മൂട്ടിയുടെ താരമൂല്യത്തിന് ഈ മൂന്നു സിനിമകളുടെയും തകര്‍ച്ച മങ്ങലേല്‍പ്പിച്ചിരിക്കുകയാണ്. ഒരു മെഗാവിജയമില്ലാതെ മമ്മൂട്ടിക്ക് ഈ പ്രതിസന്ധി മറികടക്കാനാവില്ല. അടുത്തുതന്നെ അദ്ദേഹം അത് സാധ്യമാക്കുമെന്ന് പ്രതീക്ഷിക്കാം.

മള്‍ട്ടിസ്റ്റാര്‍ സിനിമകളില്‍ അഭിനയിച്ച് വിജയം കണ്ടെത്തിയ മോഹന്‍ലാലിനും ഒരു സോളോ ഹിറ്റ് ആവശ്യമാണ്. കാസനോവയോ, അറബി ഒട്ടകമോ, പ്രണയമോ - ഏതു ചിത്രമാണ് മോഹന്‍ലാലിന്‍റെ രക്ഷയ്ക്കെത്തുക എന്ന കാത്തിരിക്കുകയാണ് നല്ല സിനിമയെ സ്നേഹിക്കുന്നവര്‍.

മമ്മൂട്ടിയുടെ കോബ്ര ഡിസംബറില്‍

മെഗാസ്റ്റാര്‍ മമ്മൂട്ടിയെ നായകനാക്കി ലാല്‍ചിത്രമൊരുങ്ങുന്നു. കോബ്ര എന്നുപേരിട്ടിരിക്കുന്ന ഈ ചിത്രത്തില്‍ സംവിധായകനായ ലാലും ഒരു പ്രധാനവേഷം ചെയ്യുന്നുണ്ട്.
നേരത്തെ കോട്ടയം ബ്രദേഴ്‌സ് എന്ന പേര് തീരുമാനിച്ചിരുന്നെങ്കിലും പിന്നീട് മാറ്റുകയായിരുന്നു. മോഹന്‍ലാല്‍ പ്രധാനവേഷത്തിലെത്തിയ ക്രിസ്ത്യന്‍ ബ്രദേഴ്‌സിനോട് സാമ്യമുണ്ടാവുമെന്നു കരുതി പേരുമാറ്റുകയായിരുന്നു.
ചിത്രത്തിലെ മറ്റുതാരങ്ങളെക്കുറിച്ച് തീരുമാനമായിട്ടില്ല. മമ്മൂട്ടിയുടെ പ്ലേഹൗസാണ് ചിത്രം തിയേറ്ററുകളിലെത്തിക്കുന്നത്.
ടു ഹരിഹര്‍ നഗര്‍, ഇന്‍ ഗോസ്റ്റ് ഹൗസ് ഇന്‍, ടൂര്‍ണമെന്റ് എന്നീ ചിത്രങ്ങള്‍ സംവിധാനം ചെയ്തിട്ടുള്ള ലാലിന്റെ ടൂര്‍ണമെന്റ് വന്‍പരാജയമായിരുന്നു. ചിത്രീകരണം ആരംഭിച്ച കോബ്ര ഡിസംബറില്‍ തിയേറ്ററുകളിലെത്തുമെന്നാണ് സൂചന.
മമ്മൂട്ടിയ്‌ക്കൊപ്പം അഭിനയത്തിലായാലും സംവിധാനത്തിലായാലും ഹിറ്റുകള്‍ ആവര്‍ത്തിച്ച ചരിത്രമാണ് ലാലിനുള്ളത്. സിദ്ദിഖ്-ലാല്‍ കൂട്ടുകെട്ടില്‍ 1996 ല്‍ പുറത്തിറങ്ങിയ ഹിറ്റലര്‍ എക്കാലത്തെയുംമികച്ച ചിത്രങ്ങളിലൊന്നായിരുന്നു.

മമ്മൂട്ടിയും ‘കാസനോവ’യാകുന്നു, ചിത്രം - കള്ളക്കാമുകന്‍

 

മോഹന്‍ലാലിന്‍റെ ‘കാസനോവ’ അത് പ്രഖ്യാപിച്ച നാള്‍ മുതല്‍ സജീവ ചര്‍ച്ചാവിഷയമാണല്ലോ. റോഷന്‍ ആന്‍ഡ്രൂസ് സംവിധാനം ചെയ്യുന്ന ഈ ചിത്രത്തില്‍ മോഹന്‍ലാല്‍ ഒരു ഫ്ലവര്‍ മര്‍ച്ചന്‍റ് ആയാണ് വേഷമിടുന്നത്. പൂക്കള്‍ പോലെ തന്നെയാണ് അയാള്‍ക്ക് സ്ത്രീകളും. എപ്പോഴും പ്രണയിച്ചുകൊണ്ടേയിരിക്കുന്ന അയാള്‍ക്ക് ആയിരക്കണക്കിന് കാമുകിമാര്‍. എന്തായാലും മോഹന്‍ലാലിന് പിന്നാലെ മെഗാസ്റ്റാര്‍ മമ്മൂട്ടിയും ‘കാസനോവ’യാകാനൊരുങ്ങുന്നതായാണ് പുതിയ വാര്‍ത്ത.

ജോണി ആന്‍റണി സംവിധാനം ചെയ്യുന്ന പുതിയ ചിത്രത്തിലാണ് മമ്മൂട്ടിയുടെ കാസനോവ വേഷം. ‘കള്ളക്കാമുകന്‍’ എന്നാണ് ചിത്രത്തിന് പേരിട്ടിരിക്കുന്നത്. മിലന്‍ ജലീല്‍ നിര്‍മ്മിക്കുന്ന ഈ സിനിമ ഈ വര്‍ഷം ഡിസംബറില്‍ ചിത്രീകരണം ആരംഭിക്കും. 2012 വിഷു റിലീസാണ് കള്ളക്കാമുകന്‍. ഉദയ്കൃഷ്ണ - സിബി കെ തോമസ് തിരക്കഥ രചിക്കുന്നതായാണ് വിവരം.

മമ്മൂട്ടി ഇതാദ്യമായല്ല റോമിയോ വേഷത്തില്‍ അഭിനയിക്കുന്നത്. ലോഹിതദാസിന്‍റെ തിരക്കഥയില്‍ ജോഷി സംവിധാനം ചെയ്ത ‘കുട്ടേട്ടന്‍’ എന്ന ചിത്രത്തില്‍ പ്രണയപ്പനി ബാധിച്ച വിഷ്ണു എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. കുട്ടേട്ടന്‍റെ ഒരു എക്സ്റ്റന്‍ഷനായിരിക്കും കള്ളക്കാമുകന്‍ എന്നാണ് സൂചന.

തുറുപ്പുഗുലാന്‍, ഈ പട്ടണത്തില്‍ ഭൂതം എന്നിവയാണ് ജോണി ആന്‍റണി മമ്മൂട്ടിയെ നായകനാക്കി സംവിധാനം ചെയ്ത ചിത്രങ്ങള്‍. തുറുപ്പുഗുലാന്‍ വന്‍ ഹിറ്റായപ്പോള്‍ പട്ടണത്തില്‍ ഭൂതം ബോക്സോഫീസില്‍ തകര്‍ന്നടിഞ്ഞു. എന്തായാലും കള്ളക്കാമുകനില്‍ വ്യത്യസ്തമായ ഒരു കഥാപാത്രത്തെയാണ് ജോണി ആന്‍റണി മമ്മൂട്ടിക്ക് നല്‍കിയിരിക്കുന്നത്. ഈ സിനിമയ്ക്ക് മുമ്പ് പൃഥ്വിരാജിനെ നായകനാക്കി ‘മാസ്റ്റേഴ്സ്’ എന്ന ചിത്രം സംവിധാനം ചെയ്യാനും ജോണി ആന്‍റണിക്ക് പദ്ധതിയുണ്ട്.

ദി കിംഗ്‌ 2

പ്രശസ്ത നടിയായ റീമ സെന്‍ ആദ്യമായി മലയാളത്തില്‍ അഭിനയിക്കുന്നു .ഷാജി കൈലാസ് സംവിധാനം ചെയ്യുന്ന 'ദി കിംഗ്‌ 2' എന്ന ചിത്രത്തിലാണ് റീമ സെന്‍ നായികയാവുന്നത് .മമ്മൂട്ടിയാണ് ചിത്രത്തിലെ നായകന്‍ .നിരവധി തമിഴ് തെലുങ്ക് ചിത്രങ്ങളില്‍ നായികയായി അഭിനയിച്ചിട്ടുള്ള റീമ സെനിന് ഈയിടെയായി തെലുങ്കിലും തമിഴിലും ഇപ്പോള്‍ അവസരങ്ങള്‍ കുറവാണ് .മിന്നലെ,വല്ലവന്‍ ,ആയിരത്തില്‍ ഒരുവന്‍,തുടങ്ങിയവാണ് റീമ സെന്നിന്റെ പ്രശസ്തമായ ചിത്രങ്ങള്‍ .

മമ്മൂട്ടിയുടെ നായിക കാവ്യ, ‘വെനീസ്’ ഒരുങ്ങുന്നു

‘ഈ പട്ടണത്തില്‍ ഭൂതം’ ഓര്‍മ്മയുണ്ടോ? മമ്മൂട്ടി ഭൂതമായി തകര്‍ത്തഭിനയിച്ചിട്ടും തിയേറ്ററുകളില്‍ തണുത്ത പ്രതികരണം നേരിടേണ്ടിവന്ന സിനിമ. കാവ്യാ മാധവന്‍ ആദ്യമായി മമ്മൂട്ടിയുടെ നായികയായത് ആ ചിത്രത്തിലാണ്. എന്തായാലും കാവ്യ വീണ്ടും മമ്മൂട്ടിയുടെ നായികയാകാനൊരുങ്ങുകയാണ്.

ഷാഫി സംവിധാനം ചെയ്യുന്ന ‘വെനീസിലെ വ്യാപാരി’യിലാണ് കാവ്യയും മമ്മൂട്ടിയും വീണ്ടും ഒന്നിക്കുന്നത്. ജയിംസ് ആല്‍ബര്‍ട്ട് തിരക്കഥയെഴുതുന്ന സിനിമയുടെ ചിത്രീകരണം ജൂലൈ 15ന് ആരംഭിക്കും. ആലപ്പുഴയാണ് പ്രധാന ലൊക്കേഷന്‍.

ആലപ്പുഴയിലെ ഒരു വ്യവസായിയായാണ് മമ്മൂട്ടി വെനീസിലെ വ്യാപാരിയില്‍ വേഷമിടുന്നത്. നായികയ്ക്ക് വളരെയേറെ പ്രാധാന്യമുള്ള കഥയാണിതെന്ന് അണിയറ പ്രവര്‍ത്തകര്‍ പറയുന്നു. കാവ്യയ്ക്ക് മികച്ച പ്രകടനം നടത്താനുള്ള അവസരം തന്നെയായിരിക്കും ഈ മമ്മൂട്ടിച്ചിത്രം.

വിവാഹബന്ധം തകര്‍ന്നതിനെ തുടര്‍ന്ന് തിരികെയെത്തിയ കാവ്യ വീണ്ടും മലയാള സിനിമയില്‍ ഹിറ്റുകള്‍ തീര്‍ക്കുകയാണ്. പാപ്പി അപ്പച്ചാ, ക്രിസ്ത്യന്‍ ബ്രദേഴ്സ്, ഗദ്ദാമ, ചൈനാ ടൌണ്‍, ഭക്തജനങ്ങളുടെ ശ്രദ്ധയ്ക്ക് തുടങ്ങിയ സിനിമകളെല്ലാം ഹിറ്റാകുമ്പോള്‍ കാവ്യ വീണ്ടും ഒന്നാം സ്ഥാനത്തേക്ക് കുതിക്കുകയാണ്. നിലവില്‍ നായികമാരില്‍ ഒന്നാം സ്ഥാനത്തു നില്‍ക്കുന്ന ഭാവനയ്ക്ക് കാവ്യയുടെ ഈ തുടരന്‍ വിജയങ്ങള്‍ ഭീഷണിയുയര്‍ത്തും.

ഷാഫിയെ പിടികൂടാന്‍ സൂപ്പര്‍താരങ്ങള്‍

മലയാള സിനിമയില്‍ ഇന്ന് മിനിമം ഗ്യാരണ്ടിയുള്ള സംവിധായകന്‍ ആരാണ്? സത്യന്‍ അന്തിക്കാടെന്ന് നിസംശയം പറയാം. അതിന് ശേഷം? വേറൊരാളെ ചൂണ്ടിക്കാണിക്കാന്‍ കഴിയുമോ? ഷാഫി എന്ന യുവസംവിധായകന്‍ ആ വിശേഷണത്തിന് അര്‍ഹനാണ്. സംവിധാനം ചെയ്തവയില്‍ ഒരു ചിത്രമൊഴികെ മറ്റെല്ലാം ഹിറ്റുകള്‍, പണം‌വാരിപ്പടങ്ങള്‍. അവസാനം ചെയ്ത രണ്ട് സിനിമകളും മെഗാഹിറ്റുകള്‍(മേരിക്കുണ്ടൊരു കുഞ്ഞാട്, മേക്കപ്പ്‌മാന്‍)‍. ചൂണ്ടയും വലയുമായി സൂപ്പര്‍താരങ്ങള്‍ ഇറങ്ങിത്തിരിക്കാന്‍ കാരണം വേറെ വേണോ?

മലയാളത്തിലെ സൂപ്പര്‍താരങ്ങള്‍ ഇപ്പോള്‍ ഷാഫിക്ക് പിന്നാലെയാണ്. മമ്മൂട്ടി, മോഹന്‍ലാല്‍, ജയറാം, ദിലീപ് എല്ലാം ഷാഫിയുടെ ഡേറ്റ് എപ്പോഴത്തേക്ക് അവൈലബിളാകും എന്ന് കാത്ത് നില്‍ക്കുന്നു. അടുത്ത രണ്ടു വര്‍ഷത്തേക്കുള്ള പ്രൊജക്ടുകള്‍ ഷാഫി തീരുമാനിച്ചുകഴിഞ്ഞതായാണ് റിപ്പോര്‍ട്ടുകള്‍.

മമ്മൂട്ടിച്ചിത്രമാണ് ഷാഫി ഉടന്‍ ചെയ്യുന്നത്. മുരളീ മൂവീസ് മാധവന്‍ നായരാണ് നിര്‍മ്മാതാവ്. ഒരു ക്ലീന്‍ ഫാമിലി എന്‍റര്‍ടെയ്നറാണ് ഷാഫി ഈ ചിത്രത്തിലൂടെ ഉദ്ദേശിക്കുന്നത്. തൊമ്മനും മക്കളും, മായാവി എന്നീ ബമ്പര്‍ ഹിറ്റുകള്‍ മുമ്പ് ഷാഫി - മമ്മൂട്ടി ടീം നല്‍കിയിട്ടുണ്ട്.

മമ്മൂട്ടിച്ചിത്രത്തിന് ശേഷം മോഹന്‍ലാലിനെ നായകനാക്കി ഒരു സിനിമ ചെയ്യുകയാണ് ഷാഫിയുടെ ലക്‍ഷ്യം. കാണ്ഡഹാറിന്‍റെ സഹനിര്‍മാതാവായ സുനില്‍ സി നായരാണ് ഈ ചിത്രം നിര്‍മ്മിക്കുന്നത്.

ബെന്നി പി നായരമ്പലം, സച്ചി - സേതു തുടങ്ങി ഷാഫിയുടെ പതിവ് എഴുത്തുകാരെല്ലാം പുതിയ ഷാഫിച്ചിത്രങ്ങളുടെ ആലോചനകളുമായി തിരക്കിലാണ്.

The Train Stills

മോഹന്‍ലാലിന്റെ ജീവചരിത്രം: 'മുഖരാഗ'ത്തിന്റെ ബ്രോഷര്‍ പുറത്തിറക്കി

കോഴിക്കോട്: മാതൃഭൂമി ബുക്‌സ് പുറത്തിറക്കുന്ന മോഹന്‍ലാലിന്റെ ജീവചരിത്രമായ 'മുഖരാഗ'ത്തിന്റെ ബ്രോഷര്‍ നടന്‍ മമ്മൂട്ടി, ഇന്നസെന്‍റിന് നല്‍കി പ്രകാശനംചെയ്തു. പത്രപ്രവര്‍ത്തകനായ ഭാനുപ്രകാശാണ് പുസ്തകം രചിക്കുന്നത്. സാഹിത്യ സാമൂഹികരംഗങ്ങളിലുള്ള കലാകാരന്റെ ഇടപെടലുകള്‍ക്ക് മാറ്റങ്ങള്‍ സൃഷ്ടിക്കാന്‍ കഴിയുമെന്ന് മമ്മൂട്ടി പറഞ്ഞു.

ചില ചലച്ചിത്രരചനകള്‍ക്ക് സാമൂഹികമണ്ഡലത്തെ മാറ്റിമറിക്കാന്‍ കഴിഞ്ഞിട്ടുണ്ട്. ഒരുപാട് ഭാവങ്ങളും രാഗങ്ങളും മിന്നിമറയുന്ന കലാകാരനാണ് മോഹന്‍ലാലെന്നും മമ്മൂട്ടി പറഞ്ഞു. നടന്മാരായ മോഹന്‍ലാല്‍, ദിലീപ്, പുസ്തക രചയിതാവ് ഭാനുപ്രകാശ്, ടിനി ടോം എന്നിവര്‍ സംസാരിച്ചു. ബുക്‌സ് മാനേജര്‍ നൗഷാദ് നന്ദി പറഞ്ഞു. പുസ്തകം മാര്‍ച്ചില്‍ തയ്യാറാവുമെന്ന് ഭാനു പ്രകാശ് പറഞ്ഞു

മമ്മൂട്ടി 'പുളുവന്‍ മത്തായി'

പോക്കിരിരാജയുടെ വിജയത്തിന് ശേഷം മുളകുപാടം ഫിലിംസിനുവേണ്ടി ടോമിച്ചന്‍ മുളകുപാടം വീണ്ടും ഒരു മമ്മൂട്ടിചിത്രം നിര്‍മിക്കുന്നു- പുളുവന്‍ മത്തായി. ചിത്രം സജിസുരേന്ദ്രന്‍ സംവിധാനം ചെയ്യുന്നു. രചന: കൃഷ്ണ പൂജപ്പുര. എക്‌സിക്യൂട്ടീവ് പ്രൊഡ്യൂസര്‍: തങ്കച്ചന്‍, പി.ആര്‍.ഒ: അയ്മനം സാജന്‍. ഒരു മോഹന്‍ലാല്‍ ചിത്രവും മുളകുപാടം ഫിലിംസ് നിര്‍മിക്കുന്നുണ്ട്. വൈശാഖാണ് ചിത്രം സംവിധാനം ചെയ്യുക. രചന: ഉദയകൃഷ്ണ, സിബി.കെ.തോമസ്. രണ്ടു ചിത്രങ്ങളുടെയും പ്രവര്‍ത്തനങ്ങള്‍ തുടങ്ങി.

ഉറുമിയെപ്പേടിച്ച് സൂപ്പര്‍റുകള്‍ മാറി?

അവധിക്കാലചിത്രങ്ങളായി പ്രദര്‍ശനത്തിന് വരുന്നവയുടെ പട്ടികയില്‍ പ്രമുഖ ചിത്രങ്ങളായിരുന്നു ഉറുമി, ചൈനാ ടൗണ്‍, ആഗസ്റ്റ് 15 എന്നിവ.

എന്നാല്‍ ഇതില്‍ ഉറുമി മാത്രമേ മാര്‍ച്ച് 30 റിലീസ് ചെയ്യുകയുള്ളുവെന്നാണ് പുതിയ റിപ്പോര്‍്ട്ട്. ഉറുമിയെപ്പേടിച്ചാണ് ചൈനാ ടൗണ്‍, ആഗസ്റ്റ് 15 എന്നിവയുടെ റീലീസ് നീട്ടിയിരിക്കുന്നതെന്നാണ് സൂചന.

നേരത്തേ മോഹന്‍ാല്‍ ചിത്രത്തിനൊപ്പം തന്റെ ചിത്രം റിലീസ് ചെയ്യാന്‍ പൃഥ്വിരാജ് ധൈര്യം കാണിക്കുകയായിരുന്നു. പിന്നീട് മമ്മൂട്ടിയുടെ ആഗസ്റ്റ് 15ഉം ഇതേദിവസം റിലീസ് തീരുമാനിച്ചു. എന്നാല്‍ പൃഥ്വിയോട് ഏറ്റുമുട്ടാന്‍ സൂപ്പര്‍താരങ്ങള്‍ ഭയക്കുന്നുവെന്നാണ് ഇപ്പോള്‍ കേള്‍ക്കുന്നത്.

ആഗസ്റ്റ് 15 ഉറുമിക്ക് മുമ്പേ റീലീസ് ചെയ്യാനാണ് നീക്കമെന്നാണ് സൂചന. അതേസമയം ചൈനാ ടൗണ്‍ വൈകും. ഏപ്രില്‍ ഏഴിനു മാത്രമേ ചൈനാ ടൌണ്‍ പ്രദര്‍ശനത്തിനെത്തൂകയുള്ളു.

ഗസ്റ്റ് 15 എത്തുന്നത് മാര്‍ച്ച് 25നാണ്. ഉറുമിയുമായി ഒരു ആഴ്ചയുടെ സുരക്ഷിതമായ അകലം പാലിച്ചാണ് രണ്ടു സിനിമകളും പ്രദര്‍ശനത്തിനെത്തുന്നത്. ഇതോടെ പൃഥ്വിയ്ക്ക് സൂപ്പര്‍താരങ്ങള്‍ക്കൊപ്പം മാറ്റുരയ്ക്കാനുള്ള അവസരം നഷ്ടപ്പെട്ടു.

ഉറുമിയിലാകട്ടെ പ്രഭുദേവ, ജനിലിയ, തബു, വിദ്യാ ബാലന്‍ തുടങ്ങിയ വന്‍ താരനിരയാണ് പൃഥ്വിക്കൊപ്പം അണിനിരക്കുന്നത്. ലോകോത്തര സംവിധായകന്‍ സന്തോഷ് ശിവനാണ് ഉറുമി ഒരുക്കുന്നത്.

മോഹന്‍ലാലിനൊപ്പം ദിലീപും ജയറാമും കാവ്യാമാധവനുമാണ് ചൈനാ ടൌണിലെ താരങ്ങള്‍. ചൈനാ ടൌണ്‍ സംവിധാനം ചെയ്തിരിക്കുന്നത് റാഫി മെക്കാര്‍ട്ടിനാണ്. ആഗസ്റ്റ് 15ല്‍ ഷാജി കൈലാസ് എസ് എന്‍ സ്വാമി ടീമാണ് മമ്മൂട്ടിക്കൊപ്പം ചേരുന്നത്.

പിക്‌പോക്കറ്റില്‍ പോക്കറ്റടിയുമായി മമ്മൂട്ടി

കള്ളനും തട്ടിപ്പുകാരനും ഗുണ്ടയുമായൊക്കെ കരിയറില്‍ ഒരുപാട് കഥാപാത്രങ്ങളെ അവതരിപ്പിച്ച മമ്മൂട്ടി ഇനി പോക്കറ്റടിക്കാരനാവുന്നു. യുവപ്രേക്ഷകരാണ് തന്റെ പ്രധാന കരുത്തെന്ന് അറിയുന്ന താരം അത്തരം കഥാപാത്രങ്ങളെയാണ് എപ്പോഴും തേടുന്നത്. അങ്ങനെയൊരു അന്വേഷണമാണ് യുവസംവിധായകനായ വിനോദ് വിജയന്റെ ചിത്രമായ പിക്‌പോക്കറ്റില്‍ മമ്മൂട്ടിയെ ചെന്നെത്തിച്ചിരിയ്ക്കുന്തന്.

പോക്കറ്റടിക്കാരനായ ഹരിനാരായണന്‍ എന്ന കഥാപാത്രത്തെയാണ് പിക്‌പോക്കറ്റില്‍ മമ്മൂട്ടി അവതരിപ്പിയ്ക്കുന്നത്. സാദാ പോക്കറ്റടിക്കാരനല്ല കക്ഷി. ആരോടും യാതൊരു ഉത്തരവാദിത്വവും കടപ്പാടുമൊന്നുമില്ലാതെ തന്നിഷ്ടത്തില്‍ ജീവിയ്ക്കുന്ന ഹരിയ്ക്ക് പോക്കറ്റടിയ്ക്കുന്ന കാര്യത്തില്‍ ഇദ്ദേഹത്തിന് ചില നിര്‍ബന്ധങ്ങളൊക്കെയുണ്ട്.

സാധാരണക്കാരുടെ പഴസ് അടിച്ചുമാറ്റുന്നതിനെക്കാളും താത്പര്യം വിഐപികളുടെ പോക്കറ്റാണ് ഹരിയുടെ വീക്കനെസ്സ്. അവര്‍ ഒത്തുകൂടുന്ന ഇടങ്ങളാണ് വിരഹരംഗം. അടിപൊളി വേഷവും മാന്യത തോന്നിപ്പിയ്ക്കുന്ന പെരുമാറ്റവുമാണ് ഈ കള്ളന്റെ പ്ലസ്‌പോയിന്റ്. മാന്യന്റെ മുഖം മൂടിയുള്ളതിനാല്‍
എപ്പോഴെങ്കിലും പെട്ടാല്‍ തന്നെ തലയൂരിപ്പോവാനും എളുപ്പമാണ്.

ലോകത്തെവിടെ സാമ്പത്തികമാന്ദ്യമുണ്ടായാലും അതൊന്നും ഹരിയെ ബാധിയ്ക്കില്ല. എടിഎം കാര്‍്ഡ് പോലുമില്ലാതെ എല്ലായിടത്തം പണമെടുക്കാന്‍ സൗകര്യമുള്ളപ്പോള്‍ ഭയക്കേണ്ട കാര്യമൊന്നുമില്ലല്ലോ.

പോക്കറ്റടിച്ച പഴ്‌സിലെ പണം മാത്രമേ ഹരി എടുക്കുകയുള്ളൂ. പഴ്‌സ് ഇഷ്ടപ്പെട്ടാല്‍ അതും സ്വന്തമാക്കും. എന്നാല്‍ അതിനുള്ളിലെ സാധനങ്ങളെല്ലാം ഒരു ഉപദേശത്തോടെ ഉടമസ്ഥര്‍ക്ക് കൊറിയര്‍ ചെയ്യാനും ഇയാള്‍ മറക്കാറില്ല.

നഗരത്തിലെ പ്രധാന പോക്കറ്റടിക്കാരനായി വിലസുന്നതിനിടെ ഇയാള്‍ക്കൊരു പഴ്‌സ് ലഭിയ്ക്കുന്നു. ഇത് ഹരിനാരായണന്റെ ജീവിതത്തില്‍ ഒരു ടേണിങ് പോയിന്റാവുകയാണ്. ഓര്‍മ്മകളുടെ പിന്നാമ്പുറങ്ങളിലേക്കും ഇതയാളെ കൂട്ടിക്കൊണ്ടു പോകുന്നു.

വിജയം അവകാശപ്പെടാനാവാത്ത ക്വട്ടേഷന്‍, റെഡ്‌സല്യൂട്ട് എന്നീ സിനിമകളുടെ ചരിത്രമുള്ള വിനോദിന് മമ്മൂട്ടി ഡേറ്റ് കൊടുത്തത് പലരെയും അദ്ഭുതപ്പെടുത്തേക്കാം. എന്നാല്‍ ഇത്തരം കാര്യങ്ങളില്‍ സൂക്ഷിച്ച് ചുവടുവെയ്ക്കുന്ന മമ്മൂട്ടി ഒന്നും കാണാതെയാവില്ല പോക്കറ്റടിയ്ക്കാന്‍ ഒരുങ്ങുന്നത്. അതുറപ്പാണ്.

മമ്മൂട്ടി സിനിമകളിലെ പതിവ് കോമഡി സാന്നിധ്യങ്ങളായ സുരാജ് വെഞ്ഞാറമ്മൂട്, സലീം കുമാര്‍, എന്നിവര്‍ക്ക് പുറമെ ബിജു മേനോന്‍, നെടുമുടി വേണു, വിനായകന്‍ എന്നിവരും പിക്‌പോക്കറ്റില്‍ അഭിനയിക്കുന്നു. കലാഭവന്‍ മണിയുടെ വ്യത്യസ്തമായൊരു മുഖവും സിനിമയില്‍ പ്രേക്ഷകരെ കാത്തിരിയ്ക്കുന്നുണ്ട്. ഇച്ച് സബീര്‍ തിരക്കഥയൊരുക്കുന്ന ചിത്രത്തിന്റെ ഛായാഗ്രഹണം നിര്‍വഹിയ്ക്കുന്നത് ബിഗ് ബി ഫെയിം സമീര്‍ താഹിറാണ്. കെഎന്‍എം ഫിലിംസും അഖില്‍ സിനിമാസും ചേര്‍ന്ന് നിര്‍മിയ്ക്കുന്ന പിക്‌പോക്കറ്റ് എറണാകുളം, പൊള്ളാച്ചി എന്നിവിടങ്ങളിലായാണ് ചിത്രീകരിയ്ക്കുന്നത്.

പെരുമാള്‍ രക്ഷിക്കാനെത്തുന്നത് വിഎസിനെ

22 വര്‍ഷം മുമ്പ് കേരള മുഖ്യമന്ത്രിക്കെതിരെ വധഭീഷണി ഉയര്‍ന്നപ്പോള്‍ സംസ്ഥാനത്തെ പൊലീസ് നേതൃത്വം കൊലയാളിയെ കണ്ടെത്താനും കീഴടക്കാനും നിയോഗിച്ചത് പെരുമാള്‍ എന്ന സമര്‍ഥനായ ഓഫീസറെയായിരുന്നു. ആ ദൗത്യം പെരുമാള്‍ വിജയകരമായി പൂര്‍ത്തിയാക്കുകയും ചെയ്തു. ബോക്‌സ് ഓഫീസിലും പെരുമാള്‍ നായകനായ ആഗസ്റ്റ് 1 തകര്‍ത്തോടി.

രണ്ട് പതിറ്റാണ്ടിന് ശേഷം അപകടത്തിലായ കരിയര്‍ രക്ഷിയ്ക്കുന്നതിനായി സംവിധായകന്‍ ഷാജി കൈലാസ് അഭയം കണ്ടെത്തുന്നതും പെരുമാളില്‍ തന്നെയാണ്.

ഇത്തവണയും സംസ്ഥാന മുഖ്യമന്ത്രിക്കെതിരെ ഉയര്‍ന്ന വധഭീഷണി നേരിടാനാണ് ഷാജിയും തിരക്കഥാകൃത്ത് എസ്എന്‍ സ്വാമിയും പെരുമാളിനെ നിയോഗിക്കുന്നത്. ആഗസ്റ്റ് 1ലെ കൂള്‍ ജെന്റില്‍മാന്‍ പൊലീസ് ഓഫീസറെ കൂടുതല്‍ പക്വതയോടെയാണ് മമ്മൂട്ടി അവതരിപ്പിയ്ക്കുന്നതെന്ന് സംവിധായകന്‍ പറയുന്നു

സമീപകാലത്തിറങ്ങിയ ഷാജി സിനിമകളെല്ലാം പ്രേക്ഷകര്‍ക്ക് അക്ഷരാര്‍ത്ഥത്തില്‍ തലവേദന സൃഷ്ടിയ്ക്കുന്നതായിരുന്നു. ബെല്ലും ബ്രേക്കുമില്ലാത്ത ക്യാമറ ഷോട്ടുകള്‍ ഷാജി സിനിമകളുടെ പതനം വേഗത്തിലാക്കി. സംവിധാനം എന്നതിന് പകരം ഷോട്‌സ് എന്നാക്കി മാറ്റിയ ഷാജി പക്ഷേ ആഗസ്റ്റ് 15ല്‍ ഷോട്ടുകളുടെ ധാരാളിത്തം ഉപയോഗിച്ചിട്ടില്ല. തീര്‍ത്തതും മിതത്വമായി എന്നാല്‍ പഞ്ച് വേണ്ടിടത്ത് അതും കൊടുത്താണ് സിനിമ ചെയ്തിരിയ്ക്കുന്നതെന്ന് സിനിമ വാരികയ്ക്ക് നല്‍കിയ അഭിമുഖത്തില്‍ ഷാജി വിശദീകരിയ്ക്കുന്നു.

സൂപ്പര്‍ സ്റ്റൈലില്‍ സെക്രട്ടേറിയറ്റിന് മുന്നിലൂടെയും മറ്റും ബുള്ളറ്റില്‍ മമ്മൂട്ടി പാഞ്ഞുപോകുന്നത് ആരാധകരെ ഹരം കൊള്ളിയ്ക്കുമെന്നതില്‍ സംശയമില്ല. ആഗസ്റ്റ് 15ലെ മുഖ്യമന്ത്രിയ്ക്ക് മോഡലായി തിരഞ്ഞെടുത്തത് വിഎസ് അച്യുതാനന്ദനെയാണെന്നും ഷാജി പറയുന്നു. വിഎസിന്റെ ശത്രുക്കള്‍ ആരാണെന്ന കാര്യം എല്ലാവര്‍ക്കുമറിയാം. അവരാണ് ഇവിടെയും വില്ലന്‍മാരായി വരുന്നത്. നെടുമുടി വേണുവാണ് മുഖ്യമന്ത്രിയുടെ റോള്‍ അവതരിപ്പിയ്ക്കുന്നത്. അതേ സമയം സിനിമയിലെ അവസാന അഞ്ച് മിനിറ്റിലാണ് സിനിമയുടെ സസ്‌പെന്‍സ് നില്‍ക്കുന്നതെന്നും അഭിമുഖത്തില്‍ ഷാജി പറയുന്നുണ്ട്.

റഹ്‌മാന്‍ വരില്ല, മമ്മൂട്ടി ട്രെയിനില്

ജയരാജ് മലയാളത്തില്‍ ഏറെ പ്രതീക്ഷയുണര്‍ത്തിയ സംവിധായകനാണ്. ഭരതന്‍റെ ശിഷ്യനായ ഈ സംവിധായകന്‍ അടുത്ത ഭരതനായി മാറുമെന്നുവരെ പ്രേക്ഷകര്‍ വിശ്വസിച്ചു. എന്നാല്‍ എല്ലാം തകിടം മറിയുകയായിരുന്നു. മികച്ച സിനിമകള്‍ ചെയ്യുമ്പോള്‍ തന്നെ തീരെ നിലവാരമില്ലാത്ത സൃഷ്ടികളും ഈ സംവിധായകനില്‍ നിന്നുണ്ടായി. ഒടുവില്‍ നിലവാരമില്ലാത്ത സിനിമകള്‍ തുടരെ നല്‍കിയപ്പോള്‍ ജയരാജ് എന്ന പേര് കണ്ട് തിയേറ്ററില്‍ കയറുന്ന പതിവ് പ്രേക്ഷകര്‍ അവസാനിപ്പിച്ചു.

എങ്കിലും, ജയരാജ് ഒടുവില്‍ ചെയ്ത ‘ലൌഡ് സ്പീക്കര്‍’ എന്ന സിനിമ പുതുമയുള്ള ഒന്നായിരുന്നു. അത് മലയാളികള്‍ സ്വീകരിക്കുകയും ചെയ്തു. വീണ്ടും ഒരു മമ്മൂട്ടിച്ചിത്രം ഒരുക്കാനായിരുന്നു ജയരാജിന്‍റെ പദ്ധതി. ‘ട്രാക്ക് വിത്ത് റഹ്‌മാന്‍’ എന്നായിരുന്നു സിനിമയുടെ പേര്. ഈ ചിത്രത്തില്‍ സാക്ഷാല്‍ എ ആര്‍ റഹ്‌മാന്‍ അഭിനയിക്കുമെന്നായിരുന്നു വാര്‍ത്ത. മമ്മൂട്ടി ഒരു പൊലീസ് ഓഫീസറായി അഭിനയിക്കുന്ന സിനിമയില്‍ ജയസൂര്യയും പ്രധാനവേഷം ചെയ്യുമെന്നായിരുന്നു വിവരം. പെട്ടെന്ന് ഈ സിനിമയുടെ നിര്‍മ്മാണ പ്രവര്‍ത്തനങ്ങള്‍ അവസാനിച്ചു.

പിന്നീട് പല വാര്‍ത്തകള്‍ വന്നു. ജയറാമും സബിതാ ജയരാജും ഒന്നിക്കുന്ന ‘പകര്‍ന്നാട്ടം’ എന്ന ചിത്രം ജയരാജ് സംവിധാനം ചെയ്യുന്നു എന്നായിരുന്നു അതിലൊന്ന്. ശാരദയെ നായികയാക്കി ‘നായിക’ എന്നൊരു സിനിമ ചെയ്യുന്നതായും വാര്‍ത്തയെത്തി. ഇപ്പോഴിതാ ജയരാജിന്‍റെ മമ്മൂട്ടിച്ചിത്രത്തിന്‍റെ ഷൂട്ടിംഗ് മുംബൈയില്‍ ആരംഭിച്ചിരിക്കുന്നു. ‘ദി ട്രെയിന്‍’ എന്നാണ് സിനിമയുടെ പേര്. ഈ സിനിമയില്‍ എ ആര്‍ റഹ്‌മാന്‍ അഭിനയിക്കുന്നില്ല. അതായത് ‘ട്രാക്ക് വിത്ത് റഹ്‌മാന്‍’ എന്ന സിനിമ പേരുമാറി ‘ദി ട്രെയിന്‍’ ആയതല്ല എന്നര്‍ത്ഥം. കഥ അപ്പാടെ മാറിയിരിക്കുന്നു.

2006ല്‍ മുംബൈയില്‍ ട്രെയിനുകളില്‍ ഉണ്ടായ സ്ഫോടന പരമ്പരകളുടെ പശ്ചാത്തലമാണ് പുതിയ സിനിമയ്ക്ക് സ്വീകരിച്ചിരിക്കുന്നത്. ഈ സ്ഫോടനം ഒരു മലയാളി കുടുംബത്തെ എങ്ങനെ ബാധിച്ചു എന്ന് നോക്കിക്കാണുകയാണ് സംവിധായകന്‍. ആന്‍റി ടെററിസ്റ്റ് സ്ക്വാഡ് കമാന്‍ഡറായാണ് മമ്മൂട്ടി ഈ സിനിമയില്‍ വേഷമിടുന്നത്. ബോളിവുഡ് നായിക അഞ്ചല സബര്‍വാള്‍ ആണ് നായിക.

സബിത ജയരാജ്, ജയസൂര്യ, ജഗതി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. സി എസ് ടി, നരിമാന്‍ പോയിന്‍റ്, നവി മുംബൈ എന്നിവടങ്ങളിലാണ് ചിത്രീകരണം നടക്കുന്നത്. പെട്ടെന്നുള്ള പ്രൊജക്ട് പ്രഖ്യാപനവും ചിത്രീകരണം ആരംഭിക്കലുമൊക്കെ ജയരാജിന് പതിവുള്ളതാണ്. എന്നാല്‍ ഒരു മമ്മൂട്ടിച്ചിത്രം ആ രീതിയില്‍ ആരംഭിച്ച് സിനിമാലോകത്തെ തന്നെ അമ്പരപ്പിച്ചിരിക്കുകയാണ് ജയരാജ്.

മാര്‍ച്ച് 30: ചൈനാ ടൗണ്‍ X ആഗസ്റ്റ് 15

ഷാജി കൈലാസ് മമ്മൂട്ടി ചിത്രമായ ആഗസ്റ്റ് 15ന്റെ റിലീസ് വീണ്ടും മാറിയിരിക്കുന്നു. ആദ്യം ക്രിസ്മസിനും പിന്നീട് ഫെബ്രുവരി മൂന്നിലേക്കും ചാര്‍ട്ട് ചെയ്ത ചിത്രം ഏറെ വൈകി മാര്‍ച്ച് 30ന് റിലീസ് ചെയ്യാനാണ് ഇപ്പോഴത്തെ തീരുമാനം. ഇക്കാര്യം നിര്‍മാതാക്കളായ അരോമ ഫിലിംസ് തിയറ്ററുകളെ അറിയിച്ചു കഴിഞ്ഞു.

20 വര്‍ഷം മുമ്പ് സിബി മലയിലിന്റെ സംവിധാനത്തില്‍ തിയറ്ററുകളിലെത്തിയ ആഗസ്റ്റ് 1ന്റെ രണ്ടാം ഭാഗമായാണ് ആഗസ്റ്റ് 15 റിലീസിനൊരുങ്ങുന്നത്. ആഗസ്റ്റ് 15ലെ പെരുമാളിലൂടെ ചെറിയൊരിടവേളയ്ക്ക് ശേഷമുള്ള മമ്മൂട്ടി വീണ്ടും പൊലീസ് വേഷത്തിലെത്തുന്നുവെന്നതാണ് സിനിമയുടെ ഹൈലൈറ്റ്.

ഡേറ്റ് മാറ്റത്തെപ്പറ്റി ഔദ്യോഗിക വിശദീകരണമൊന്നും വന്നിട്ടില്ല. എന്നാല്‍ ലോകകപ്പ് ക്രിക്കറ്റും പരീക്ഷാക്കാലവുമാണ് അരോമ മണിയെ ഇതിന് പ്രേരിപ്പിച്ചതെന്ന് കരുതപ്പെടുന്നു. അതേ സമയം കഴിഞ്ഞ വര്‍ഷം ഫെബ്രുവരിയില്‍ റിലീസ് ചെയ്ത ദ്രോണയുടെ തിക്താനുഭവം ഓര്‍മ്മയിലുള്ളത് കൊണ്ടാണ് ഇതെന്ന് പറയുന്നവരും കുറവല്ല.

എന്തായാലും ആഗസ്റ്റ് 15ന്റെ റിലീസ് മാറ്റം ഒരു വമ്പന്‍ പോരിനാണ് വഴിതുറന്നരിയ്ക്കുന്നത്. മാര്‍ച്ചില്‍ ബോക്‌സ് ഓഫീസില്‍ ഏറ്റുമുട്ടുന്ന സിനിമകളുടെ പട്ടികയിലാണ് മമ്മൂട്ടി ചിത്രം എത്തിപ്പെട്ടിരിയ്ക്കുന്നത്. ലാലിന്റെ മള്‍ട്ടിസ്റ്റാര്‍ മൂവികളും പൃഥ്വിയുടെ ബിഗ് ബജറ്റ് ചിത്രമായ ഉറുമിയോടും മത്സരിയ്ക്കാനാണ് ഷാജി-മമ്മൂട്ടി സഖ്യം ഒരുങ്ങുന്നതെന്ന് ചുരുക്കം.

ക്രിസത്യന്‍ ബ്രദേഴ്‌സ്, ഉറുമി, ചൈനാ ടൗണ്‍ എന്നീ സിനിമകളെല്ലാം മാര്‍ച്ചിലാണ് തിയറ്ററുകളിലെത്തുന്നത്. ഇതില്‍ ചൈനാ ടൗണും ആഗസ്റ്റ് 15ഉം ഒരു ദിവസം റിലീസ് ചെയ്യുന്നു. ദിലീപ് -ജയറാം-മോഹന്‍ലാല്‍ ടീമിനെ മമ്മൂട്ടി-ഷാജി സഖ്യം എതിരിടുമ്പോള്‍ വിജയം ആര്‍ക്കെന്ന് പ്രവചിയ്ക്കുക പ്രയാസമാവും.

ഫുട്‌ബോള്‍ കളിപ്പിക്കാന്‍ മമ്മൂട്ടി

മമ്മൂട്ടി ഫുട്‌ബോള്‍ കോച്ചാകുന്നു. വി കെ പ്രകാശ് സംവിധാനം ചെയ്യുന്ന പുതിയ സിനിമയിലാണ് മമ്മൂട്ടിയുടെ ഈ വ്യത്യസ്ത വേഷം. ചക് ദേ ഇന്ത്യ പോലെ ഒരു സിനിമയാണ് വി കെ പ്രകാശ് ഉദ്ദേശിക്കുന്നത്.

വൈ വി രാജേഷാണ് ഈ സിനിമയ്ക്ക് തിരക്കഥയെഴുതുന്നത്. കഥ കേട്ട് ഇഷ്ടപ്പെട്ട മമ്മൂട്ടി ഉടന്‍ ഈ സിനിമ ചെയ്യാമെന്ന് സമ്മതിക്കുകയായിരുന്നു. വചന്‍ ഷെട്ടിയും സജിത പ്രകാശും ചേര്‍ന്നാണ് ഈ സിനിമ നിര്‍മ്മിക്കുന്നത്.

ഉടന്‍ ഷൂട്ടിംഗ് ആരംഭിക്കാനുള്ള നടപടികള്‍ തുടങ്ങിയെങ്കിലും മമ്മൂട്ടിയുടെ നേരത്തേയുള്ള കമ്മിറ്റ്മെന്‍റുകള്‍ കാരണം അടുത്ത വര്‍ഷം ഏപ്രിലിനു ശേഷമേ ഈ ചിത്രം നടക്കാനിടയുള്ളൂ. ഷാജി കൈലാസ് തുടര്‍ച്ചയായി രണ്ടു ചിത്രങ്ങളാണ് മമ്മൂട്ടിയെ നായകനാക്കി ഒരുക്കുന്നത്. ആഗസ്റ്റ് 15ന്‍റെ ഷൂട്ടിംഗ് തീര്‍ന്നാലുടന്‍ കിംഗ് ആന്‍റ് ദി കമ്മീഷണര്‍ ആരംഭിക്കും.

വി കെ പ്രകാശ് ആദ്യമായാണ് മമ്മൂട്ടിയെ നായകനാക്കി സിനിമ ചെയ്യുന്നത്. ‘ഗുലുമാല്‍’ എന്ന സിനിമ വിജയിച്ചതോടെയാണ് മമ്മൂട്ടിയെ കേന്ദ്രീകരിച്ച് ഒരു കഥ തയ്യാറാക്കാന്‍ തിരക്കഥാകൃത്ത് വൈ വി രാജേഷിനോട് പ്രകാശ് ആവശ്യപ്പെട്ടത്.

'The King and the Commissioner' would be dynamite: Shaji Kailas

Cochin, Jan.29 (NR): Director Shaji Kailas says that his new film 'The King and the Commissioner' would be dynamite material.

Shaji says that it was script writer Ranji Panicker's assurance that led to the idea of this film. "We couldn't work together for fifteen years since Ranji was busy," says Shaji.

Mammootty would play Joseph Alex IAS, the character that he played in the megahit film 'The King', while Suresh Gopi would play Bharath Chandran IPS, the character that he played in the megahit film 'Commissioner'.

Ranji talks of the camaraderie these two characters share as ' a friendship that tears each other apart on sight'! The dialogues of the film are expected to be explosive and the film itself is expected to rock the box office.