വിയറ്റ്നാം കോളനിക്ക് ശേഷം സംവിധായകന് സിദ്ദിഖും മോഹന്ലാലും വീണ്ടും ഒന്നിക്കുന്നു. ഈ വര്ഷം അവസാനം ഷൂട്ടിങ് തുടങ്ങുന്ന പുതിയ ചിത്രം 2012 ലെ ലാലിന്റെ പ്രധാന റിലീസായിരിക്കും. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മ്മിക്കുക. 1992 ലാണ് സിദ്ദിഖ്-ലാല് ടീമിന്റെ വിയറ്റ്നാം കോളനി എന്ന സൂപ്പര് ഹിറ്റ് ചിത്രം തിയേറ്ററുകളെ ജനസമുദ്രമാക്കിയത്. ബോഡിഗാര്ഡിന് ശേഷം തുടങ്ങാനിരുന്ന ചിത്രം സിദ്ദിഖിന്റെ തിരക്ക് കാരണം മാറ്റിവെക്കുകയായിരുന്നു. ബോഡിഗാര്ഡിന്റെ തമിഴ് പതിപ്പിന് ശേഷം അത് ഹിന്ദിയില് റീമേക്ക് ചെയ്യുന്ന തിരക്കിലായിരുന്നു സിദ്ദിഖ്. സല്മാന് നായകനാകുന്ന ഹിന്ദി പതിപ്പിന്റെ ഷൂട്ടിങ് പൂര്ത്തിയായി. ഇതിന്റെ റിലീസിന് ശേഷമാകും ലാല് ചിത്രത്തിന്റെ തിരക്കഥാ ജോലികളിലേക്ക് സിദ്ദിഖ് കടക്കുക.
