അസിന്‍ വീണ്ടും തെലുങ്കില്‍ നായിക

ഇടയ്ക്കല്‍പം നിര്‍ഭാഗ്യമുണ്ടായെങ്കിലും അസിന്‍ വീണ്ടും തെന്നിന്ത്യയില്‍ തരംഗമാവുകയാണ്. വിജയ് നായകനായ കാവലന്റെ വിജയമാണ് അസിനെ തെന്നിന്ത്യയില്‍ വീണ്ടും താരറാണിയാകാന്‍ സഹായിച്ചിരിക്കുന്നത്.

നയന്‍താരയെയും തൃഷയെയും പരിഗണിച്ച ഒരു തെലുങ്ക് ചിത്രത്തില്‍ ഒടുക്കം നായികയാവുന്നത് അസിനാണെന്നതാണ് പുതിയ വാര്‍ത്ത. തേജ ഒരുക്കുന്ന പുതിയ ചിത്രമായ സാവിത്രിയിലാണ് അസിന്‍ നായികയാവുന്നത്. വെങ്കിടേഷാണ് ചിത്രത്തില്‍ നായകന്‍. ഇതു രണ്ടാം തവണയാണ് അസിന്‍ വെങ്കിടേഷിന്റെ നായികയാവുന്നത്.

ബോളിവുഡില്‍ അമീര്‍ ഖാനോടൊപ്പം അഭിനയിച്ച ഗജിനി വലിയ ഹിറ്റായിരുന്നെങ്കിലും തുടര്‍ന്ന് പുറത്തിറങ്ങിയ സല്‍മാന്‍ നായകനായ ലണ്ടന്‍ ഡ്രീംസ് പ്രതീക്ഷയ്‌ക്കൊത്ത് ഉയര്‍ന്നിരുന്നില്ല.

ഇതിനെത്തുടര്‍ന്ന് ബോളിവുഡില്‍ മറ്റ് വലിയ പ്രൊജക്ടുകളൊന്നും കിട്ടാതെ അസിന്‍ വീണ്ടും തെന്നിന്ത്യയില്‍ ശ്രദ്ധയൂന്നുകയായിരുന്നു.

എന്നാല്‍ ഇപ്പോള്‍ എല്ലായിടത്തുനിന്നും അസിന് വളരെ നല്ല സ്വീകരണമാണ് കിട്ടുന്നത്. ബോളിവുഡില്‍ അഭിഷേക് ബച്ചന്‍ നായകനാകുന്ന ചിത്രത്തിലും, തമിഴില്‍ രജനീകാന്ത് നായകനാകുന്ന റാണയിലേയ്ക്കും അസിന് ക്ഷണം ലഭിച്ചിട്ടുണ്ടെന്നാണ് റിപ്പോര്‍ട്ടുകള്‍.

‘വിജയ് പൊങ്കല്‍ രാജാവ്’; ‘കാവലന്‍’ തകര്‍ക്കുന്നു

തമിഴകത്ത് വീണ്ടും വിജയ് തരംഗം. പൊങ്കല്‍ റിലീസായ വിജയ് ചിത്രം കാവലന് തീയേറ്ററുകളില്‍ മികച്ച വരവേല്‍പ്പാണ് ലഭിക്കുന്നത്. നല്ല ചിത്രമെന്ന പേരും ചുരുങ്ങിയ ദിവസത്തിനുള്ളില്‍ തന്നെ കാവലന്‍ നേടിയിരിക്കുന്നു. ഇപ്പോഴത്തെ ട്രെന്‍ഡ് കണക്കിലെടുക്കുമ്പോള്‍ ചിത്രം നൂറുദിവസം പിന്നിടുമെന്നത് ഉറപ്പാണ്. 350 തീയേറ്ററുകളിലാണ് ചിത്രം റിലീസ് ചെയ്തിരിക്കുന്നത്.

ഏറെക്കാലത്തിനു ശേഷമാണ് ഒരു നല്ല വിജയ് ചിത്രം ഇറങ്ങുന്നത്. അതുകൊണ്ടാണ് കാവലന് ഇത്ര ഗംഭീര സ്വീകരണം ലഭിക്കുന്നത്. വിജയിയുടെ ജനപ്രീതിക്ക് ഇടിവ് തട്ടിയെന്ന വാര്‍ത്തകള്‍ പരക്കുന്ന സാഹചര്യത്തിലാണ് കാവലനിലൂടെ താരം വന്‍‌തിരിച്ചുവരവ് നടത്തിയിരിക്കുന്നത്. ഫേസ് ബുക്കിലും ട്വിറ്ററിലുമൊക്കെ കാവലനാണ് ഇപ്പോള്‍ ചര്‍ച്ചാവിഷയം.

കാര്‍ത്തി നായകനാവുന്ന ചിരുത്തൈ, ധനുഷിന്റെ ആടുകളം, കരുണാനിധി തിരക്കഥ ഒരുക്കിയിരിക്കുന്ന ഇളഞ്ജൈന്‍ എന്നീ സിനിമകളാണ് കാവലനൊപ്പം തീയേറ്ററുകളില്‍ പൊങ്കലിന് എത്തിയിരിക്കുന്നത്. കാര്‍ത്തി ഇരട്ടവേഷത്തില്‍ അഭിനയിക്കുന്ന ചിരുത്തൈ മികച്ച ‘എന്റര്‍ടെയിനര്‍’ എന്ന അഭിപ്രായം നേടിക്കൊണ്ട് മുന്നേറുന്നു. ആടുകളം മികച്ച സിനിമയാണെങ്കിലും മധുര ഭാഷയും ആംഗ്ലോ ഇന്ത്യന്‍ സ്ലാംഗും സിനിമയ്ക്ക് വിനയാകുന്നു.

കാവലനില്‍, വിജയ്‌യുടെ നായികയായി ചിത്രത്തില്‍ അഭിനയിക്കുന്നത് അസിനാണ്. മലയാളിയായ മിത്രാകുര്യനും ചിത്രത്തിലുണ്ട്. മലയാളചിത്രമായ ബോഡിഗാര്‍ഡിന്റെ തമിഴ് ചിത്രമാണ് കാവലന്‍. സിദ്ദിഖ് ആണ് ഇരുചിത്രങ്ങളും സംവിധാനം ചെയ്തിരിക്കുന്നത്. മലയാളത്തില്‍ ദിലീപ് അവതരിപ്പിച്ച കഥാപാത്രമായാണ് വിജയ് തമിഴില്‍ അഭിനയിക്കുന്നത്. മലയാളത്തില്‍ നയന്‍‌താര ചെയ്ത വേഷമാണ് തമിഴില്‍ അസിന്‍ അവതരിപ്പിച്ചിരിക്കുന്നത്. ബോഡിഗാര്‍ഡില്‍ അവതരിപ്പിച്ച കഥാപാത്രമായാണ് മിത്ര തമിഴിലും വേഷമിട്ടിരിക്കുന്നത്.

വിജയ്‌യുടെ പോക്കറ്റ് കനിഞ്ഞു; കാവലാന് മോചനം

വിജയ്‌യുടെ സിനിമകള്‍ക്ക് തിയ്യേറ്ററുകള്‍ നല്‍കില്ലെന്ന തിയേറ്റര്‍ ഉടമകളുടെ ഉഗ്രശപഥത്തെ തുടര്‍ന്ന് അനിശ്ചിതത്വത്തിലായ കാവലാന്‍ ഒടുക്കം മോചനം. തിയ്യേറ്ററുടമകള്‍ക്ക് പണം നല്‍കാന്‍ വിജയ് തയ്യാറായതാണ് കാവലാന് തുണയായത്. സിനിമയ്ക്ക് ലഭിച്ച് പ്രതിഫലവും പോക്കറ്റില്‍ നിന്ന് പണവും ഇറക്കിയാണ് വിജയ് റിലീസിന് കളമൊരുക്കിയതെന്നാണ് കോളിവുഡില്‍ നിന്നുള്ള റിപ്പോര്‍ട്ട്.

കഴിഞ്ഞ ദിവസങ്ങളില്‍ നടത്തിയ മാരത്തണ്‍ ചര്‍ച്ചകള്‍ക്കൊടുവിലാണ് റിലീസ് ചെയ്യാന്‍ തീരുമാനമായത്. വിതരണക്കാരും നിര്‍മാതാക്കളും തിയേറ്ററുടമകളുമെല്ലാം ചേര്‍ന്ന ചര്‍ച്ചയിലാണ് കാവലന്‍ ശനിയാഴ്ച റിലീസ് ചെയ്യാന്‍ തീരുമാനിച്ചത്.

പെട്ടെന്ന് റിലീസിങ് തീരുമാനിച്ചതിനാല്‍ ചെന്നൈയ്ക്ക് പുറത്തുള്ള തിയേറ്ററുകളില്‍ ചിത്രം പ്രദര്‍ശിപ്പിക്കാന്‍ കഴിഞ്ഞിട്ടില്ല. ഇന്ത്യയ്ക്ക് പുറത്ത് സിനിമ റിലീസ് ചെയ്തിട്ടില്ല. ഇത് അടുത്താഴ്ച നടക്കും.

അസിന്‍ ഇനി ഷാരൂഖിന്റെ നായിക

അസിന്‍ വീണ്ടും ബോളിവുഡിലേക്ക്. സാക്ഷാല്‍ കിംഗ് ഖാന്‍ ഷാരൂഖിന്റെ നായികയായാണ് ഇത്തവണ അസിന്‍ ബോളിവുഡിലേക്കെത്തുന്നത്.

വിശാല്‍ ഭരദ്വാജാണ് ചിത്രം സംവിധാനം ചെയ്യുന്നത്. ഷാരൂഖ് പഞ്ചാബിയുടെ വേഷത്തില്‍ പ്രത്യക്ഷപ്പെടുന്ന ചിത്രത്തില്‍ ബ്രാഹ്മണയുവതിയായാണ് അസിന്‍ അഭിനയിക്കുന്നത്.

പ്രിയങ്ക ചോപ്ര, കത്രീനാ കൈഫ്, ദീപികാ പദുക്കോണ്‍ എന്നിവരിലാരെങ്കിലും ഈ ചിത്രത്തില്‍ നായികയാകുമെന്ന് നേരത്തെ സൂചനയുണ്ടായിരുന്നു. നായികസ്ഥാനത്തേക്ക് അസിന്റെ പേരും ഉയര്‍ന്നുകേട്ടിരുന്നെങ്കിലും ആദ്യം അതിന് വലിയ സാധ്യത കല്‍പ്പിച്ചിരുന്നില്ല.

ദശാവതാരത്തിലെ മികച്ച പ്രകടനമാണ് വിശാല്‍ ഭരദ്വാജിന്റെ ചിത്രത്തില്‍ നായികയാകാന്‍ അസിന് വഴിയൊരുക്കിയത്. കമലഹാസന്റെ ദശാവതാരത്തില്‍ ബ്രാഹ്‌മണ പെണ്‍കുട്ടിയുടെ വേഷത്തില്‍ അസിന്‍ പ്രത്യക്ഷപ്പെട്ടിരുന്നു.

ഗജിനിയുടെ ഹിന്ദിപതിപ്പില്‍ അമീര്‍ ഖാന്റെ നായികയായാണ് അസിന്‍ ബോളിവുഡില്‍ അരങ്ങേറ്റം കുറിച്ചത്. സല്‍മാന്റെ ലണ്ടന്‍ ഡ്രീംസ്, റെഡി എന്നീ ചിത്രങ്ങളിലൂടെയും അസിന്‍ ബോളിവുഡില്‍ ശ്രദ്ധ നേടി.

Kaavalan Trailler

Asin-Neil in Pocketmaar

Popular South India beauty Asin, who is currently busy with Salman Khan's Anees Bazmee directed comedy film Ready, will be the heroine in director-producer Ravi Chopra's Bollywood film Pocketmaar opposite Neil Nitin Mukesh.

Sources say that it was actually Neil who recommended Asin for the heroine’s role. The rumour mills insist that a bond developing between Neil and Asin is growing and they are more than just friends.

Recently, both of them were spotted having a cozy dinner at a swanky joint in Mumbai. Neil was reported to have confirmed the news saying, “Asin and I are friends. We've been wanting to go out for dinner for some time now. Everything fell into place and it just happened."