മുന്‍കാല നായിക ദിവ്യ ഉണ്ണിയുടെ സഹോദരി വിദ്യ ഉണ്ണി മലയാള സിനിമയില്‍ ഭാഗ്യംപരീക്ഷിക്കാന്‍ ഒരുങ്ങുന്നു. ഷൂട്ടിങ് പുരോഗമിക്കുന്ന 'ഡോക്ടര്‍ ലൗ' എന്ന ചിത്രത്തിലൂടെയാണ് വിദ്യ സിനിമയിലേക്കെത്തുന്നത്. കുഞ്ചാക്കോ ബോബന്‍ നായകനാകുന്ന ചിത്രത്തില്‍ ഭാവനയാണ് നായിക. ചിത്രത്തില്‍ ഏറെ പ്രാധാന്യമുള്ള ഒരു കോളജ് വിദ്യാര്‍ഥിനിയുടെ വേഷമാണ് വിദ്യക്ക്. മറ്റൊരു പ്രധാന കഥാപാത്രമായി അനന്യയും ചിത്രത്തില്‍ അഭിനയിക്കുന്നുണ്ട് . വിദ്യാര്‍ഥിയായ വിദ്യ പഠനത്തോടൊപ്പം സിനിമയിലും സജീവമാകാന്‍ ഒരുങ്ങുകയാണ്. അമേരിക്കയില്‍ ബിസിനസ്സുകാരനെ വിവാഹം കഴിച്ച ദിവ്യ ഉണ്ണി ഭര്‍ത്താവിനൊപ്പം അമേരിക്കയിലാണ്. വിവാഹത്തോടെ അവര്‍ സിനിമ ലോകത്തോട് വിടപറയുകയും ചെയ്തു.
