Monday, January 24, 2011

‘സ്ഥല’ത്തില്‍ ശ്വേതയും ബാലയും




‘കയ’ത്തിനുശേഷം ബാലയും ശ്വേതാമേനോനും വീണ്ടും. ശിവപ്രസാദിന്റെ സ്ഥലം എന്ന ചിത്രത്തിലാണ് ബാലയും ശ്വേതാമേനോനും ജോഡിയായെത്തുന്നത്.

ഭൂമിക്കുവേണ്ടി പോരടിക്കുന്ന ജനങ്ങളുടെ കഥയാണ് സ്ഥലം പറയുന്നത്. രഘുത്തമന്‍ എന്ന സര്‍വേയറുടെ വേഷത്തിലാണ് ബാലയെത്തുന്നത്. പൊക്കന്‍ മൂപ്പന്റെ മകളായ ചന്ദ്രിക എന്ന കഥാപാത്രത്തെയാണ് ശ്വേത അവതരിപ്പിക്കുന്നത്.

തമിഴ് സിനിമാലോകത്തുനിന്നെത്തിയ ബാല മലയാള ചലച്ചിത്രലോകത്തെ സ്ഥിരം സാന്നിധ്യമാണ്. ഒട്ടേറെ ചിത്രങ്ങളില്‍ നായകനായും പ്രതിനായകനായും സഹനടനായുമൊക്കെ ബാല നിറഞ്ഞുനിന്നു. 1991ല്‍ ‘അനശ്വരം’ എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച ശ്വേത കുറിച്ചുകാലം മലയാള സിനിമയില്‍ നിന്ന് വിട്ടുനിന്നിരുന്നു. പിന്നീട് വര്‍ഷങ്ങള്‍ക്ക് ശേഷം മലയാളത്തിലേക്ക് തിരിച്ചെത്തിയ ശ്വേത വ്യത്യസ്തമായ കഥാപാത്രങ്ങള്‍ ചെയ്ത്‌കൊണ്ട് മലയാളികളെ അത്ഭുതപ്പെടുത്തുകയാണ്.