കേരളമാകെ കുഞ്ഞാട് തരംഗം!

വലിയ വിമാനം റാഞ്ചലുകള്‍. സിനിമാനടനാകാനുള്ള നെട്ടോട്ടം. ക്രിക്കറ്റ് കളിക്കാനായി കുറേ യുവാക്കളുടെ ബാംഗ്ലൂര്‍ യാത്ര. ഇതിനെല്ലാമിടയിലൂടെ ഒരു പാവം കുഞ്ഞാട് കുതിച്ചോടുന്ന കാഴ്ചയാണ് മലയാള സിനിമയുടെ ബോക്സോഫീസില്‍ കാണാനാവുന്നത്. അതേ, കാണ്ഡഹാറിന്‍റെയും ബെസ്റ്റ് ആക്ടറിന്‍റെയും ടൂര്‍ണമെന്‍റിന്‍റെയും കടുത്ത മത്സരങ്ങളെ അതിജീവിച്ച് ‘മേരിക്കുണ്ടൊരു കുഞ്ഞാട്’ മെഗാഹിറ്റായി മാറുന്നു.

കേരളമാകെ ‘കുഞ്ഞാട് തരംഗം’ അലയടിക്കുകയാണ്. റിലീസായ എല്ലാ സെന്‍ററുകളിലും എല്ലാ ഷോയും ഫുള്‍ ഹൌസിലാണ് കളിക്കുന്നത്. ദിലീപിന്‍റെ കരിയറിലെ ഏറ്റവും വലിയ വിജയമായി ഈ സിനിമ മാറുമെന്നാണ് റിപ്പോര്‍ട്ടുകള്‍. ദിലീപിന്‍റെയും ബിജു മേനോന്‍റെയും തകര്‍പ്പന്‍ അഭിനയവും ഷാഫിയുടെ മികച്ച സംവിധാനവും ബെന്നി പി നായരമ്പലത്തിന്‍റെ പിഴവുകളില്ലാത്ത തിരക്കഥയുമാണ് സിനിമയുടെ വന്‍ വിജയത്തിന് കാരണം.

പുതിയ റിലീസായ ‘ട്രാഫിക്’ മികച്ച ത്രില്ലറെന്ന പേരു സമ്പാദിച്ചു. എല്ലാ കേന്ദ്രങ്ങളിലും ട്രാഫിക്കിന് നല്ല റിപ്പോര്‍ട്ടാണുള്ളത്. ബോബി സഞ്ജയ് ടീമിന്‍റെ തിരക്കഥ തന്നെയാണ് ട്രാഫിക്കിന്‍റെ വിജയത്തിനാധാരം. വന്‍ താരനിരയാണ് ട്രാഫിക്കിനുള്ളത്. ഈയാഴ്ചത്തെ ഹിറ്റ് ചാര്‍ട്ട് ഇങ്ങനെയാണ്.

1. മേരിക്കുണ്ടൊരു കുഞ്ഞാട്
2. ബെസ്റ്റ് ആക്ടര്‍
3. ടൂര്‍ണമെന്‍റ് - പ്ലേ ആന്‍റ് റീപ്ലേ
4. കാണ്ഡഹാര്‍
5. ട്രാഫിക്

മമ്മൂട്ടിയുടെ ബെസ്റ്റ് ആക്ടര്‍ വിജയകരമായി പ്രദര്‍ശനം തുടരുന്നു. മോഹന്‍ലാലിന്‍റെ കാണ്ഡഹാറിനെ കുടുംബപ്രേക്ഷകര്‍ തള്ളിക്കളഞ്ഞതാണ് കനത്ത പരാജയത്തിന് കാരണം. ലാലിന്‍റെ ടൂര്‍ണമെന്‍റിനും പ്രേക്ഷകരെ ആകര്‍ഷിക്കാനായില്ല.

കാണ്ഡഹാര്‍ - സമ്മിശ്ര പ്രതികരണം

കീര്‍ത്തിചക്ര,കുരുക്ഷേത്ര തുടങ്ങിയ വമ്പന്‍ ഹിറ്റുകള്‍ക്ക് ശേഷം മേജര്‍ രവി മോഹന്‍ലാലിനെ നായകനാക്കി സംവിധാനം ചെയ്യുന്ന ചിത്രമായ
കാണ്ഡഹാര്‍ ആദ്യ ദിവസം കാണാന്‍ ചെന്നത് വളരെയേറെ പ്രതീക്ഷകളോടെയാണ്.എന്നാല്‍ ഒരു മേജര്‍ രവി ചിത്രത്തില്‍ നിന്നും പ്രതീക്ഷിക്കുന്ന തരത്തിലുള്ള ചിത്രമല്ല കാണ്ഡഹാര്‍ എന്നത് ഒരു ദുഃഖ സത്യമാണ് . ഇഴഞ്ഞു നീങ്ങുന്ന ആദ്യ പകുതിക്ക് ശേഷം രണ്ടാം പകുതിയിലാണ് നായകനായ മഹാദേവന്റെ നേതൃത്വത്തില്‍ മിഷന്‍ നടക്കുന്നത് .എന്നാല്‍ പ്രേക്ഷകര്‍ പ്രതീക്ഷിക്കുന്ന തരത്തിലുള്ള ചിത്രത്തിന്റെ കാതലായ ഭാഗം ചിത്രീകരിക്കുന്നതില്‍ സംവിധായകന്‍ പരാജയപ്പെട്ടു .വളരെ എളുപ്പത്തില്‍ മേജര്‍ മഹാദേവനും സംഘവും പൂര്‍ത്തിയാക്കുന്ന ഈ മിഷന്‍ കണ്ടാല്‍ ഇത്ര എളുപ്പമാണോ ഒരു കമന്റോ ഓപ്പറേഷന്‍ എന്ന് സംശയിച്ചു പോകും .

അതെ സമയം സമകാലീന സംഭവങ്ങളുമായി ബന്ധപ്പെട്ട് സംവിധായകന്‍ തന്നെ തയ്യാറാക്കിയ സംഭാഷങ്ങള്‍ ചില രംഗങ്ങളില്‍ അങ്ങേയറ്റം മികവു പുലര്‍ത്തിയിട്ടുണ്ട് .അതെ പോലെ ഇന്ത്യന്‍ സിനിമയിലെ ഇതിഹാസം അമിതാബ് ബച്ചന്‍ ആദ്യമായി തനിക്ക് ലഭിച്ച മലയാള ചിത്രത്തിലെ ലോകനാഥ് ശര്‍മ എന്ന വേഷം മികച്ചതാക്കി.അമിതാബ് ബച്ചന്റെ സംഭാഷങ്ങള്‍ ഏതാണ്ട് മുഴുവനായി ഹിന്ദിയില്‍ തന്നെയാണ് അവതരിപ്പിക്കുന്നത്.നീണ്ട ഇടവേളക്ക് ശേഷം വീണ്ടും മലയാളത്തില്‍ അഭിനയിക്കുന്ന സുമലത ചിത്രത്തില്‍ രണ്ടു സീനുകളിലാണ് പ്രത്യക്ഷപ്പെടുന്നത് .തമിഴ് താരം ഗണേഷ് വെങ്കിട്ടരാമനും തന്റെ റോള്‍ മോശമില്ലാതെ കൈകാര്യം ചെയ്തു .സംവിധായകനായ മേജര്‍ രവിയും ചിത്രത്തില്‍ ഒരു മോശമില്ലാത്ത വേഷം കൈകാര്യം ചെയ്യുന്നുണ്ട് .
സുനില്‍ ചന്ദ്രിക നായരുടെ സോ എസ്തെബെ മൂവീസും മോഹന്‍ലാലിന്‍റെ പ്രണവ് ആര്‍ട്സ് ഇന്‍റര്‍നാഷണലും ചേര്‍ന്ന് നിര്‍മ്മിച്ച ഈ ചിത്രം ഏതാണ്ട് 200 തിയെറ്ററുകളിലാണ് പ്രദര്‍ശിപ്പിക്കുന്നത് .ചിത്രം മുടക്കുമുതല്‍ തിരിച്ച് പിടിക്കുമോ എന്ന് വരും നാളുകള്‍ തെളിയിക്കും .നിരവധി പോരായ്മകള്‍ ഉണ്ടെങ്കിലും ദേശസ്നേഹം ഊട്ടിയുറപ്പിക്കാന്‍ ഉതകുന്ന ഇത്തരം ചിത്രങ്ങള്‍ വിജയിക്കട്ടെ എന്ന് നമ്മുക്ക് ആശംസിക്കാം .

എന്തുകൊണ്ട് ലാല്‍ കാക്കിയിടണം?

നമ്മുടെ രാജ്യാഭിമാനത്തിന് ആവേശം പകരാന്‍ വീണ്ടും മോഹന്‍ലാല്‍. മേജര്‍ രവി സംവിധാനം ചെയ്യുന്ന കാണ്ഡഹാറില്‍ മേജര്‍ മഹാദേവനായി ലാല്‍ വീണ്ടും മലയാളിക്കു മുന്നിലെത്തുകയാണ്. അടുത്തുതന്നെ, പ്രിയദര്‍ശന്‍-ലാല്‍ ചിത്രമായ 'തേസ്' പ്രദര്‍ശനത്തിന് എത്തിയേക്കും. തേസില്‍ പോലീസ് ഓഫീസറായാണ് ലാല്‍ രംഗത്തുവരുന്നത്. ലാലിന്റെ ഈ സൈനിക/പോലീസ് വേഷംതന്നെയായിരിക്കും ഒരുപക്ഷേ, ഇനിയുള്ള നാളുകളില്‍ നമ്മുടെ ആവേശം.

എന്തുകൊണ്ട് ലാലിന്റെ സൈനിക/പോലീസ് വേഷങ്ങള്‍ നമ്മെ ആവേശം കൊള്ളിക്കുന്നു? എനിക്കും നിങ്ങള്‍ക്കും കഴിയാത്ത രാജ്യസ്‌നേഹത്തിലധിഷ്ഠിതമായ പൊതു ദൗത്യങ്ങളാണ് ലാലിന്റെ ഈ വേഷങ്ങളിലൂടെ സാര്‍ഥകമാവുന്നത്. സ്വയം കാര്യമായി ഒന്നും ചെയ്യാതെ, മറ്റുള്ളവര്‍ അത് ചെയ്യണമെന്ന് ആഗ്രഹിക്കുന്ന മലയാളിയുടെ പൊതുശൈലിതന്നെ ഇതിലും ബാധകം. ക്ഷോഭിക്കുന്ന യുവത്വത്തിന്റെ അമര്‍ഷങ്ങള്‍ വെള്ളിത്തിരയിലെത്തിച്ച് ഒരുകാലത്ത് കൈയടി നേടിയ അമിതാഭ്ബച്ചനെ ഓര്‍ക്കാം. അഫ്ഗാന്‍ തീവ്രവാദികള്‍ ഇന്ത്യന്‍ വിമാനം റാഞ്ചിയ സംഭവമാണ് മേജര്‍ രവി കാണ്ഡഹാറിലൂടെ അവതരിപ്പിക്കുന്നത്. വിമാനം മോചിപ്പിക്കുന്നതില്‍ മേജര്‍ മഹാദേവന്റെ ദൗത്യം അസാമാന്യമായ ഗെറ്റപ്പില്‍ ലാല്‍, കാണ്ഡഹാറില്‍ അവതരിപ്പിക്കുമ്പോള്‍ തിയേറ്ററുകളില്‍ ആവേശം കടലോളമായേക്കും. തനതായ ശരീരഭാഷയും അഭിനയശൈലിയും പലരീതിയില്‍ സൈനികവത്കരിക്കപ്പെട്ടു കഴിഞ്ഞ ലാലിന്റെ പുതിയ ഇമേജും അതിന് ശക്തിപകരും. 'കമ്പനി'ക്കും 'ആഗി'നും ശേഷം മൂന്നാംതവണയാണ് 'തേസി'ലൂടെ ലാല്‍ പോലീസ് വേഷത്തില്‍ ബോളിവുഡിലെത്തുന്നത്. 1994-ല്‍ ഇറങ്ങിയ ഹോളിവുഡ് ചിത്രം 'സ്​പീഡി'ന്റെ ഹിന്ദി റീമേക്കായ 'തേസി'ല്‍ ശിവമേനോന്‍ എന്ന പോലീസ് ഓഫീസറായാണ് ലാല്‍ വേഷമിടുന്നത്.

പ്രിയദര്‍ശനും മേജര്‍ രവിയും കണ്ടെത്തുന്ന ലാലിന്റെ പോലീസ്/സൈനിക 'ശരീര'ങ്ങള്‍ എന്തുകൊണ്ട് മറ്റു മലയാളി സംവിധായകര്‍ക്ക് വഴങ്ങുന്നില്ല. രാജാവിന്റെ മകനിലൂടെ മികച്ച 'ആക്ഷന്‍' പ്രകടിപ്പിച്ച ലാല്‍, 'ബാബാകല്യാണി'യിലും 'ഒളിമ്പ്യന്‍ അന്തോണി ആദ'ത്തിലും 'ശ്രദ്ധ'യിലും കാക്കിയുടെ സാഹസികമായ ഉത്സാഹങ്ങള്‍ രൂപപ്പെടുത്തിയില്ലല്ലോ. എങ്കിലും മറുനാടന്‍ മലയാളി സംവിധായകര്‍ (പ്രിയദര്‍ശനും മേജര്‍ രവിയും ക്ഷമിക്കുക) കണ്ടെത്തുന്ന ലാലിന്റെ ശരീരഭാഷയ്ക്ക് മലയാളത്തില്‍ത്തന്നെ നല്ല തുടര്‍ച്ചയും സാധ്യതയും രൂപപ്പെടണം.

സിനിമ കലയും കച്ചവടവുമാണെന്ന പൊതുബോധത്തില്‍ അത് അങ്ങനെത്തന്നെ വേണം. ലാലിന്റെ കാക്കികണ്ട്, നാഴികയ്ക്ക് നാല്പതുവട്ടം മുംബൈ പോലീസ് ഓഫീസര്‍മാരെ വെള്ളിത്തിരയില്‍ കണ്ടുകഴിഞ്ഞ ഉത്തരേന്ത്യന്‍ പ്രേക്ഷകര്‍ കൈയടിക്കുന്നെങ്കില്‍ എന്തുകൊണ്ട് മലയാളി പ്രേക്ഷകര്‍ക്കും ആ അവസരം നിഷേധിക്കപ്പെടണം. ലാലിന്റെ പോലീസ്/സൈനിക ശരീരഭാഷയിലെ ത്രസിപ്പിക്കുന്ന ഊര്‍ജം നമുക്കും വേണം. കാണ്ഡഹാര്‍ അതിന് വേഗം കൂട്ടും.

കണ്ടഹാര്‍ 125 തീയേറ്ററുകളില്‍

അമിതാബ് ബച്ചന്‍,മോഹന്‍ലാല്‍ തുടങ്ങിയവര്‍ അഭിനയിക്കുന്ന മേജര്‍ രവി ചിത്രമായ 'കണ്ടഹാര്‍' 125 തീയേറ്ററുകളില്‍ ഡിസംബര്‍ 16ന് പ്രദര്‍ശനത്തിന് എത്തും.മാക്സ് ലാബ്‌ പ്രദര്‍ശനത്തിന് എത്തിക്കുന്ന ഈ ചിത്രത്തിന് തിരുവനന്തപുരത്ത് നാല് സെന്ററുകളില്‍ പ്രദര്‍ശനം ഉണ്ടാവും.കേരളത്തിനു പുറത്ത് ബാംഗ്ലൂരില്‍ 9 തീയേറ്ററുകളിലും,ചെന്നൈയില്‍ 5 തീയേറ്ററുകളിലും കണ്ടഹാര്‍ പ്രദര്‍ശനത്തിന് എത്തും.ഇത് കൂടാതെ മുംബൈ , ഡല്‍ഹി , പൂനെ , ഹൈദരാബാദ് എന്നിവിടങ്ങളിലും ഡിസംബര്‍ 16ന് ചിത്രം പ്രദര്‍ശനത്തിന് എത്തും.

Kandahar piggy backs on Kerala Tourism

Mohanlal and producer Antony Perumbavoor, are piggybacking on Kerala Tourism to promote their Kandahar releasing on December 16 effectively.

Kandahar is one of the brands associated with promoting Kerala Tourism's Grand Kerala Shopping Festival (GKSF), which kick started on December 1.

The ad has Mohanlal and Amitabh Bachchan prominently showcased with the tag line "Hold on! I'm coming too"

It has stirred a major controversy in political circles as Amitabh Bachchan had agreed to be Kerala Tourism's brand ambassador, before he was unceremoniously dropped by the CPI(M) government .

Bachchan's sin was that he was promoting and endorsing for Narendra Modi's BJP controlled Gujarat tourism!

Now Kerala Government has no qualms in coming out with ads and billboards promoting Mr. Amitabh Bachchan, who is playing a guest role in Kandahar.

The state government view is that "Kandahar is the official entertainment partner of GKSF" !

Kandahar - official Trailler

Latest Mohanlal Films Updates

• Casanova: Shoot progressing at Dubai.

• Shikkar: collected 14.4 crores from 49 days.

• Tez: Lalettan's Bollywood film with Priyadarshan, Shoot started.

• Cousins: Mohanlal-Prithviraj-Laljose team together. Shoot to start by next February.

• Kandahar: Release Date confirmed for Dec 16th.

• Christian Brothers: for Jan 14th.

• China Town: Mohanlal, Dileep, jayaram joins with Rafi Meccartin, shoot starts by December.

• Gadha: Shaji.N.Karun's next movie with Mohanlal based on famous short story "KADAL".

Kandahar Stills

Kandahar Official Site Click Here

അന്തിമ വിജയം കാണ്ഡഹാറിന്

മോഹന്‍ലാലിന്റെ വരാനിരിക്കുന്ന രണ്ട് ബിഗ്‌ ബജറ്റ് സിനിമകളുടെ പേരിലുണ്ടായ വാക് പോരില്‍ അന്തിമ വിജയം കാണ്ഡഹാറിന്. റിലീസിംഗ് ഡേറ്റിന്റെ പേരില്‍ ക്രിസ്ത്യന്‍ ബ്രദേഴ്‌സിന്റെ നിര്‍മാതാക്കളിലൊരാളായ സുബൈറും കാണ്ഡഹാര്‍ നിര്‍മാണ പങ്കാളി ആന്റണി പെരുമ്പാവൂരും കൊമ്പുകോര്‍ത്തിരുന്നു. ഒടുവില്‍ വിജയം ആന്റണിക്കൊപ്പം നിന്നു. കാണ്ഡഹാര്‍ ഡിസംബര്‍ ഒന്‍പതിന് തന്നെ റിലീസ് ചെയ്യും. ക്രിസ്ത്യന്‍ ബ്രദേഴ്സ് ഈ വര്‍ഷം ഉണ്ടാവില്ല. നവംബര്‍ 26ന് പ്രദര്‍ശനത്തിന് എത്തിക്കാനിരുന്ന ചിത്രം ജനുവരി 26ന് റിപ്പബ്ലിക് ദിനത്തിലാവും റിലീസ് ചെയ്യുക. ഫലത്തില്‍ മോഹന്‍ലാലിന്റെ താല്‍പ്പര്യം നോക്കിയാണ് ആന്റണി ക്രിസ്ത്യന്‍ ബ്രദേഴ്‌സിന്റെ റിലീസ് മാറ്റാന്‍ പ്രയത്നിച്ചത്. കാണ്ഡഹാറിന്റെ പ്രധാന നിര്‍മാതാവ് ലാല്‍ തന്നെയാണ്. ചിത്രം റിലീസ് ചെയ്യുന്നതും ലാലിന്റെ മാക്സ് ലാബാണ്‌. വന്‍ ചിലവില്‍ നിര്‍മിച്ച കാണ്ഡഹാര്‍ ക്രിസ്ത്യന്‍ ബ്രദേഴ്‌സിന്റെ റിലീസിംഗ് ഡേറ്റിനോട് അടുത്തുവന്നാല്‍ തിരിച്ചടിയാവും.

പലവിധകാരണങ്ങളാല്‍ റിലീസ് നീണ്ട ചിത്രമാണ് ക്രിസ്ത്യന്‍ ബ്രദേഴ്സ്.ഒക്ടോബറില്‍ റിലീസ് ചെയ്യാനിരുന്ന മള്‍ട്ടിസ്റ്റാര്‍ ചിത്രമായ ക്രിസ്ത്യന്‍ ബ്രദേഴ്സ് ഒരു ഗാനരംഗം പൂര്‍ത്തിയാകാത്തതിനെ തുടര്‍ന്ന് റിലീസ് നീട്ടി വയ്ക്കുകയായിരുന്നു. നവംബര്‍ 26ന് ചിത്രം പ്രദര്‍ശനത്തിന് എത്തിക്കാനാണ് ഒടുവില്‍ തീരുമാനിച്ചിരിക്കുന്നത്. എന്നാല്‍ കാണ്ഡഹാര്‍ ഡിസംബര്‍ ഒന്‍പതിന് റിലീസ് ചെയ്യാന്‍ നേരത്തെ നിശ്ചയിച്ചതാണ്. വന്‍തുക ചെലവഴിച്ചാണ് രണ്ടു ചിത്രങ്ങളും ഒരുക്കിയിരിക്കുന്നത്.

വമ്പന്‍ താരനിരയെ അണിനിരത്തി ജോഷി സംവിധാനം ചെയ്ത ക്രിസ്ത്യന്‍ ബ്രദേഴ്‌സിന്റെ റിലീസ് കാണ്ഡഹാറിനെ പ്രതികൂലമായി ബാധിയ്ക്കുമെന്നാണ് ആന്റണി വാദിച്ചത്. ജോഷി ചിത്രത്തിന്റെ റിലീസ് ഒക്ടോബര്‍ 22നാണ് ആദ്യം തീരുമാനിച്ചിരുന്നതെന്നും എന്നാല്‍ ഷൂട്ടിങ് കഴിയാത്തതിനാല്‍ റിലീസ് മാറ്റുകയായിരുന്നുവെന്നും രണ്ടാഴ്ചത്തെ ഇടവേളയില്‍ രണ്ട് വമ്പന്‍ മോഹന്‍ലാല്‍ സിനിമകള്‍ തിയറ്ററുകളിലെത്തുന്നത് സിനിമാ വിപണിയ്ക്ക് താങ്ങാന്‍ കഴിയില്ലെന്ന് ആന്റണിയുടെ ചൂണ്ടിക്കാട്ടിയിരുന്നു.

എന്നാല്‍ എന്തുവന്നാലും നവംബര്‍ 26ന് നൂറോളം തിയറ്ററുകളില്‍ ക്രിസ്ത്യന്‍ ബ്രദേഴ്‌സ് റിലീസ് ചെയ്യാന്‍ തീരുമാനിച്ചുവെന്നാണ് സുബൈര്‍ ആദ്യം പറഞ്ഞിരുന്നത്. വേണമെങ്കില്‍ കാണ്ഡഹാറിന്റെ റിലീസ് നീട്ടട്ടെ എന്ന നിലപാടിലായിരുന്നു സുബൈര്‍. തര്‍ക്കം മുറുകിയതോടെ മോഹന്‍ലാല്‍ ഇടപെടുകയായിരുന്നു എന്നാണു കേട്ടത്. ലാലിന്റെ അഭ്യര്‍ത്ഥന പ്രകാരമാണ് ക്രിസ്ത്യന്‍ ബ്രദേഴ്‌സിന്റെ റിലീസ് ജനുവരിയിലേയ്ക്ക് മാറ്റിയത്. ഇതോടെ ഈ വര്‍ഷം ഇനി മോഹന്‍ലാലിന്റെ ഒരു ചിത്രം മാത്രമേ എത്തൂ എന്ന് ഉറപ്പായിരിക്കുകയാണ്.

മേജര്‍ രവി സംവിധാനം ചെയ്ത കാണ്ഡഹാറില്‍ അമിതാഭ് ബച്ചന്‍ ഉള്‍പ്പെടെയുള്ള വമ്പന്‍ താരനിരയുണ്ട്. ആറ് കോടിയോളം മുടക്കുള്ള ക്രിസ്ത്യന്‍ ബ്രദേഴ്‌സ് നിര്‍മിച്ചിരിക്കുന്നത് സുബൈറിനൊപ്പം എ വി അനൂപാണ്.