Showing posts with label anurag kashyap. Show all posts
Showing posts with label anurag kashyap. Show all posts
Wednesday, November 3, 2010
പൃഥ്വിരാജ് ബോളിവുഡിലേക്ക്
അനുരാഗ് കശ്യപിനെ അറിയില്ലേ? രാം ഗോപാല് വര്മ സംവിധാനം ചെയ്ത സത്യ, കോന്, മണിരത്നത്തിന്റെ യുവ, ദീപ മേത്തയുടെ വാട്ടര് തുടങ്ങിയ സിനിമകളുടെ തിരക്കഥാകൃത്ത്. ദേവ് ഡി, നോ സ്മോക്കിംഗ്, ബ്ലാക്ക് ഫ്രൈഡേ, ഗുലാല് തുടങ്ങിയ സിനിമകളുടെ സംവിധായകന്. അദ്ദേഹം കഴിഞ്ഞ ദിവസം മുംബൈയില് മലയാളത്തിന്റെ ബിഗ്സ്റ്റാര് പൃഥ്വിരാജുമായി ഒരു കൂടിക്കാഴ്ച നടത്തി.
പ്രധാനമായും ഒരു കഥാചര്ച്ചയായിരുന്നു നടന്നത്. അനുരാഗ് പറഞ്ഞ കഥ പൃഥ്വിക്ക് ഇഷ്ടമായി. എങ്കില് പൃഥ്വിയെ നായകനാക്കി ഈ സിനിമ ഹിന്ദിയില് നിര്മ്മിക്കാന് പോകുന്നു എന്നായി അനുരാഗ്. എന്തായാലും പൃഥ്വി സമ്മതംമൂളി എന്നാണ് റിപ്പോര്ട്ടുകള്.
അങ്ങനെ, ഇതുവരെ മലയാളത്തിന്റെയും തമിഴിന്റെയും തെലുങ്കിന്റെയും മാത്രമായിരുന്ന പൃഥ്വിരാജ് ബോളിവുഡിലേക്ക് പ്രവേശിക്കുകയാണ്. അനുരാഗ് കശ്യപ് നിര്മ്മിക്കുന്ന ഈ ചിത്രം അദ്ദേഹത്തിന്റെ അസിസ്റ്റന്റാണ് സംവിധാനം ചെയ്യുന്നത്. അടുത്ത വര്ഷം ആദ്യം ചിത്രീകരണം ആരംഭിക്കുമെന്നാണ് കരുതുന്നത്.
ഹിന്ദിച്ചിത്രത്തില് അഭിനയിക്കണം എന്ന ആഗ്രഹം കൊണ്ടു മാത്രം ബോളിവുഡ് സിനിമയിലേക്കില്ലെന്ന് പൃഥ്വിരാജ് നേരത്തേ വ്യക്തമാക്കിയിരുന്നതാണ്. ഹിന്ദിയിലാണെങ്കിലും നല്ലൊരു സിനിമയുടെ ഭാഗമാകണമെന്നാണ് ആഗ്രഹം. അങ്ങനെയൊരു അവസരമാണ് ഇപ്പോള് പൃഥ്വിയെത്തേടി എത്തിയിരിക്കുന്നത്.
Labels:
anurag kashyap,
bollywood,
cinema news updates,
filim news updates,
filimnewsupdates,
pridhviraj,
ramgopalvarma
Subscribe to:
Posts (Atom)
